کاش کے ان ننھے شہدا کے پہلو میں میری بھی قبر ہو

میرے بچوں اور بچیوں !

میں عید بھیجوں گا 

کھلونے بھی اور گڑیاں بھی 

کاریں بھی اور ریلیں بھی 

پانی والی پستولیں بھی 

ریموٹ کنٹرول ربورٹ بھی 

سپر مین کا پتلا بھی ، بیٹ مین کا لباس بھی 

میں سب کچھ بھیجوں گا ان شاءاللہ 

مگر تم نہ ہوگئے !! غزہ کے کسی میدان میں 

دمشق کے کسی نخلستان میں ،

عراق کے ریگستان میں 

برما کے دریا میں 

وزیرستان کے کسی پربت میں 

تم نے قبریں سجا لیں ہیں !! تم نے سوچا بھی نہیں 

تم نہ ہوگئے تو عید کیسے ہوگی ؟؟

میں کس کو گلے لگاوں گا ؟؟؟

عیدی کون مانگے گا؟؟ 

مجھ پر پانی کون پھینکے گا ؟؟

عید کے میدان میں میرے پہلو میں کون کھڑا ہوگا ؟؟

کون ریل ، کار ، روبوٹ کے سیل مانگے گا ؟؟

سپر مین بن کر کون آئے گا ؟

لیکن میں پھر بھی بھیجوں گا ، تمہاری قبروں پر کھڑا ہوکر 

سر جھکا کر ، کھلونوں کو انکو اوپر رکھ کر 

میں دعاکروں گا ، کاش کے ان ننھے شہدا کے پہلو میں میری بھی قبر ہو