Monday, February 6, 2012

میلاد کےموقع پر شریعت کی خلاف ورزیاں

0 تبصرہ جات

بسم اللہ الرحمن الرحیم


میلاد کےموقع پر شریعت کی خلاف ورزیاں
 
اسراف وتبذیر
اللہ رب العالمین نے قرآن مجید فرقان حمید میں فضول خرچی کی مذمت کے لیے دو لفظ استعمال فرمائے ہیں " اسراف اور تبذیر " ۔
اسراف : ایسی فضول خرچی ہوتی ہے جو ضرورت کے کاموں میں کی جائے ۔ مثلا گھر کے دروازہ کے آگے پردہ لٹکانے کے لیے انتہائی قیمتی مثلا خالص ریشمی کپڑے کا استعمال اسراف کہلاتا ہے ۔ کیونکہ ضرورت صرف " پردہ" ہے ا ور وہ ایک عام سادہ سے کپڑے سے بھی پوری ہوتی ہے ۔ اسی طرح ضرورت سے زیادہ کھانا پینا اور کپڑوں کے درجنوں سوٹ سلوا لینا بھی اسراف کے زمرہ میں آتا ہے ۔ اسراف کی مذمت کرتے ہوئے اللہ تعالى نے فرمایا ہے

يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ
اے بنی آدم ہر مسجد کے پاس اپنی زینت اختیار کرو اور کھاؤ پیو مگر اسراف نہ کرو یقینا اللہ تعالى اسراف کرنیوالوں کو پسند نہیں کرتا ۔"(الأعراف:31
 
تبذیر :
ایسی فضول خرچی جس کی ضرورت ہی نہ ہو اور کوئی فائدہ نہ دے تبذیر کہلاتی ہے ۔مثلا : دیواروں پر پردے لٹکانا , بازاروں اور گلیوں کو سجانا , اور دن کے وقت صحن میں بلب وغیرہ روشن کیے رکھنا ۔ کیونکہ ان میں سے کسی چیز کی بھی ضرورت نہیں اور نہ ہی کوئی فائدہ ہے ۔ اور فضول خرچی کی یہ قسم یعنی تبذیر پہلی قسم یعنی اسراف سے زیادہ قبیح ہے اور اسی بناء پر اللہ تعالى نے اس سے شدید نفرت کا اظہار کرتے ہوئے فرمایا

إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا

الإسراء : 27

یقینا تبذیر کرنے والے شیطان کے بھائی ہیں اور شیطان اپنے رب کا نافرمان ہے ۔
عید میلاد منانے والے اس خود ساختہ عید کے موقع پر اسراف وتبذیر کا خوب بازار گرم رکھتے ہیں ۔ بازاروں کو سجایا جاتا ہے, ہر طرف جھنڈے اور جھنڈیاں لگائی جاتی ہیں ساری ساری رات بلا وجہ بازاروں , دکانوں , مکانوں , گلی کوچوں اور چوکوں چوراہوں پر لائٹیں روشن رکھی جاتی ہیں اور صرف رات ہی نہیں بلکہ دن میں بھی یہ کام جاری رہتا ہے ۔بیت اللہ اور روضہء رسول ﷺ کی شبیہ بنائی جاتی ہے اور نہ جانے کیا کیا کچھ فضول خرچیاں اس موقع پر کی جاتیں ہیں جن میں سے اکثر تبذیر کے زمرہ میں آتی ہیں ۔ اور یہ سب کچھ بنا کر رسول اللہ ﷺ کا استقبال کیا جاتا ہے اور کہا جاتا ہے کہ

بڑے ادب کا مقام ہے یہ حضور تشریف لارہے ہیں جبکہ نبی کریم ﷺ نے اپنی بیٹی سیدہ فاطمہ رضی اللہ عنہ کے سجے ہوئے گھر جانے سے انکار فرما دیا تھا
عَنْ ابْنِ عُمَرَ
ŀ قَالَ أَتَى النَّبِيُّ ﷺ بَيْتَ فَاطِمَةَ فَلَمْ يَدْخُلْ عَلَيْهَا وَجَاءَ عَلِيٌّ فَذَكَــــرَتْ لَهُ ذَلِكَ فَذَكَـرَهُ لِلنَّبِيِّ ﷺ قَالَ إِنِّي رَأَيْتُ عَلَى بَابِهَا سِتْرًا مَوْشِيًّا فَقَالَ مَا لِي وَلِلدُّنْيَا فَأَتَاهَا عَلِيٌّ فَذَكَـرَ ذَلِكَ لَهَا فَقَالَتْ لِيَأْمُرْنِي فِيهِ بِمَا شَاءَ قَالَ تُرْسِلُ بِهِ إِلَى فُلَانٍ أَهْلِ بَيْتٍ بِهِمْ حَاجَةٌ
[ صحيح البخاري ,كـتاب الهبة وفضلها والتحريض عليها , باب هدية ما يكره لبسها (2613)]
 عبد اللہ بن عمر رضی اللہ عنہ فرماتے ہیں کہ رسول اللہ ﷺ سیدہ فاطمہ رضی اللہ عنہا کے گھر تشریف لائے لیکن گھر میں داخل نہ ہوئے , تو جب سیدنا علی رضی اللہ عنہ تشریف لائے تو سیدہ فاطمہ رضی اللہ عنہا نے انہیں سارا ماجرا کہہ سنایا تو سیدنا علی رضی اللہ عنہ نے رسول اللہ ﷺ سے اس بارہ میں استفسار فرمایا تو آپ ﷺ فرمانے لگے میں نے اسکے دروازہ پر نقش ونگار والا پردہ دیکھا تھا (اس لیے اسکے گھر داخل نہیں ہوا ) تو یہ بات سیدنا علی رضی اللہ عنہ نے سیدہ فاطمہ رضی اللہ عنہا کو بتلائی تو وہ فرمانے لگیں کہ آپ ﷺ مجھے اس (پردہ) کے بارہ میں جو چاہیں حکم کریں ( میں تعمیل کرنے کو تیار ہوں ) تو آپ ﷺ نے فرمایا کہ اسے فلاں گھر والوں کے پاس بھیج دو ,جو ضرورت مند ہیں ۔
درس عبرت ہے ان لوگوں کے لیے جو مساجد , مکانات , دکانیں , گلیاں , محلے , سڑکیں , چوک اور چوراہے سجا کر رسول اللہ ﷺ کی آمد کا انتظار کرتے ہیں ۔ وہ پیغمبر جو اپنی پیاری لخت جگر کے دروازہ پر نقش ونگار والا ریشمی پردہ لٹکا دیکھ کر دروازے سے ہی واپس تشریف لے گئے وہ ان سجے ہوئے بازاروں اور مسجدوں میں کیونکر داخل ہونگے ۔ امام الانبیاء جناب محمد مصطفى ﷺ کے جعلی استقبال میں بازار وں اور گلیوں میں سینکڑوں تھان کپڑوں کے جھنڈے اور شو پیس وغیرہ بنانے والے, لمبی چوڑی لائٹنگ کرنے والے , بیت اللہ اور روضہء رسول ﷺ کی شبیہ بنانے والے , جعلی پہاڑیاں اور قبے بنانے والے جان لیں سید ولد آدم امام الانبیاء جناب محمد کریم ﷺ کو ان سجاوٹوں , شو پیسوں , فضول خرچیوں , اسراف اور تبذیر سے شدید نفرت تھی ۔اور آج ہی فورا توبہ کرکے ان فضول کاموں سے باز آجائیں ۔

چراغاں , اور آتش بازی
آتش پرستوں کی نقالی میں آج کے اس جدید دور میں بھی جبکہ روشنی کے نت نئےانداز ایجاد ہو چکے ہیں ربیع الاول کا مہینہ شروع ہوتے ہی ساری ساری رات مکانوں کی چھتوں دیواروں اور گلیوں بازاروں میں چراغاں بھی کیا جاتا ہے اور مشعل بردار نوجوانوں کی ٹولیاں جلوس نکالتی ہیں ۔ اب تو پٹاخے بھی بجنے لگے ہیں اور آتش بازی بھی کی جاتی ہے ۔ یہ سراسر مجوسیوں کی مشابہت ہے وہ آگ کی عبادت کرتے تھے اور اپنے آتش کدوں کی آگ کو ٹھنڈا نہ ہونے دیتے تھے ۔ اور اپنے تہواروں کے موقع پر اسی طرح چراغاں کرتے تھے اور آج بھی وہ ایسا ہی کرتے ہیں ۔اور رسول اللہ ﷺ کا فرمان ہے
مَنْ تَشَبَّهَ بِقَوْمٍ فَهُوَ مِنْهُمْ
[سنن أبي داود كتاب اللباس باب في لباس الشهرة (4031)]
جس نے کسی قوم کی مشابہت اختیار کی وہ انہی میں سے ہے ۔
پھر یہ عمل تبذیر کے زمرہ میں بھی آتا ہے کیونکہ اس چراغاں یا مشعلیں جلانے کا کوئی فائدہ یا ضرورت نہیں ہے ۔موسیقی
اللہ تعالى نے موسیقی کو حرام قرار دیا ہے ۔ بلکہ اسے اللہ تعالى کی رحمت سے محرومی کا سبب قرار دیتے ہوئے نبی کریم ﷺ نے فرمایا :


لَا تَصْحَبُ الْمَلَائِكَةُ رُفْقَةً فِيهَا كَلْبٌ وَلَا جَرَسٌ
[ صحيح مسلم كتاب اللباس والزينة باب كراهية الكلب والجرس في السفر (2113)]
فرشتے اس قافلے کے ساتھ نہیں چلتے جس میں کتا یا گھنٹی ہو ۔
اسی طرح ہلکے پھلے میوزک کوبھی حرام قرار دیتے ہوئے ارشاد فرمایا
لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ
[صحيح البخاري كتاب الأشربة باب ما جاء فيمن يستحل الخمر ويسميه بغير اسمه ]
میری امت میں ایسے لوگ ضرور ہونگے جو زناکاری , ریشم اور دف بجانے کو حلال کر لیں گے ۔
یعنی ان کاموں میں سے کوئی بھی کام حلال نہیں ہے لیکن وہ تأویلیں کرکے انہیں حلال بنا لیں گے ۔
اور آج یہی کام ہور ہا ہے دف بجانے کے جواز پر فتوے بھی صادر ہو رہے ہیں اور نعتوں میں دف اور ہلکا پھلکا میوزک شامل کیا جار ہا ہے , اور بھرپور میوزک کی بھر مار نعت نبی ﷺ کے ساتھ کرکے اسے قوالی جیسے قبیح نام سے موسوم کیا جا رہا ہے ۔ اور بڑی بڑی محفلیں اس کام کے لیے منقعد کی جاتی ہیں ۔ محفل قوالی , محفل نعت کے اشتہارات چھپتے ہیں ۔ اور قوال و نعت خواں حضرات طبلے و ڈھول و ڈفلی و دف کی تھاپ پر ثناء مصطفی ﷺ کرتے ہیں ۔


انا للہ وانا الیہ راجعون ۔


ہُلڑ بازی,جلوس , شورشرابہ
 
اسلام متانت اور سنجیدگی کو پسند کرتا ہے , اور ہلڑبازی ,شورشرابہ,آوازیں کسنا , اور گلے پھاڑ پھاڑ کر بولنا شریعت کوناپسند ہے ۔ رسول اللہ ﷺ کے اخلاق کے بارہ میں ام المؤمنین سیدہ عائشہ ? فرماتی ہیں :
لَمْ يَكُنْ فَاحِشًا وَلَا مُتَفَحِّشًا وَلَا صَخَّابًا فِي الْأَسْوَاقِ وَلَا يَجْزِي بِالسَّيِّئَةِ السَّيِّئَةَ وَلَكِنْ يَعْفُو وَيَصْفَحُ 
[ جامع الترمذي أبواب البر والصلة باب ما جاء في خلق النبي ﷺ (2016)]
رسول اللہﷺ عادتا یا قصدا فحش گوئی کرنے والے نہ تھے , نہ ہی بازاروں میں اونچی اونچی آواز میں شور کرنے والے نہ تھے اور برائی کا جواب جواب سے نہیں دیتے تھے بلکہ عفو و درگزر فرماتے تھے ۔
جبکہ بدعت میلاد کے ان جلوسوں میں سارے بازار بند کرکے مسافروں کو تکلیف سے دوچار کیا جاتا ہے , خوب شور مچایا جاتا ہے ۔ ہلڑبازی ہوتی ہے , آتش بازی, میوزک , بھنگڑا , گھوڑوں , گدھوں , موٹر سائیکلوں, سائیکلوں , ڈالوں , اور ٹرالیوں پر مشتمل لمبے لمبے جلوس بیہودہ قسم کے فحش اور لچر الفاظ استعمال کرتے , گالیاں نکالتے , نازیبا کلمات کہتے , مخالفین کو شیطان اور شیطان کے چیلوں جیسے قبیح القابات سے نوازتے اور الاؤڈ سپیکروں پر سارے علاقہ کو سناتے چلے جاتے ہیں ۔ کیا یہ نبی ﷺ کی آمد کی خوشی منائی جارہی ہے کہ وفات کی ؟؟؟ ۔ کہ اس موقع پر ہر وہ کام کیا جاتا ہے جو آپ ﷺ کو ناپسند تھا , اور جس سے آپ ﷺ کو شدید نفرت تھی ۔
بھیک مانگنا
امام الانبیاء جناب محمد مصطفى ﷺ نے بلا وجہ بھیک مانگنے سے منع فرمایا ہے :
سیدنا عبد اللہ بن عمر رجی اللہ عنہ بیان فرماتے ہیں کہ رسول اللہ ﷺ نے فرمایا

لَا تَزَالُ الْمَسْأَلَةُ بِأَحَدِكُمْ حَتَّى يَلْقَى اللَّهَ وَلَيْسَ فِي وَجْهِهِ مُزْعَةُ لَحْمٍ
لوگوں سے بھیک مانگنے والا اللہ کو اس حال میں ملے گا کہ اسکے چہرے پر گوشت کا ایک ٹکڑا بھی نہیں ہوگا۔
[صحيح مسلم كتاب الزكاة باب كراهة المسألة للناس (1040)]
سیدنا ابو ہریرہ رضی اللہ عنہ فرماتے ہیں کہ رسول اللہ ﷺ نے فرمایا

 مَنْ سَأَلَ النَّاسَ أَمْوَالَهُمْ تَكَثُّرًا فَإِنَّمَا يَسْأَلُ جَمْرًا فَلْيَسْتَقِلَّ أَوْ لِيَسْتَكْثِرْ
جس نے مال بڑھانے کے لیے لوگوں سے سوال کیا (بھیک مانگی) وہ یقینا آگ مانگ رہا ہے چاہے تو کم کرلے اور چاہے تو زیادہ کرلے ۔
[ صحيح مسلم كتاب الزكاة باب كراهة المسألة للناس (1041)
 جبکہ بدعت میلاد کے موقع پر "مدنی منوں" کو بھیک مانگنے کے لیےیہ کہہ کر بھیک مانگنے پر تیار کیا جاتے ہے کہ رافضی شیعہ محرم الحرام کے موقع پر اپنے بچوں کو "حسین کا منگتا " بناتے ہیں تو ہم نبی ﷺ کے منگتے کیوں نہیں بن سکتے ۔
اور پھر یہیں پر بس نہیں , محافل میلاد بپا کرنے کے لیے چوکوں چوراہوں اور راستوں کو روک کر چندہ مانگا جاتا ہے ۔ بلکہ زبردستی بھی لیا جاتا ہے ۔ یعنی جگہ ٹیکس وصول کیا جاتا ہے ۔
اسی طرح اور بہت سی خرافات اس بدعت عظمى کے موقع پر دیکھنے کو ملتی ہیں جن کی شریعت میں واضح لفظوں کے ساتھ مذمت کی گئی ہے مثلاً
بيت الله اور روضہء رسول کی شبیہ بنانا ،شرکیہ نعتیں پڑھنا ، مجلس کے آخر میں قیام ا س عقیدت کے تحت کرنا کہ نبی کریمﷺمجلس میں خود حاضر ہوتے ہیں، شیرینی تقسیم کرنا ، دیگیں پکانا ، دروازے اور پہاڑیاں بنانا ،مخصوص لباس پہننا، تصویریں اتارنا، رقص و وجد کا اہتمام کرنا، شب بیداری کرنا ، اجتماعی نوافل ، اجتماعی روزے ،اجتماعی قرآن خوانی ، عورتوں مردوں کا اختلاط ، نوجوان لڑ کوں کا جلوس میں شرکت کرنا اور عورتوں کا ان کو دیکھنا ، من گھڑ ت قصے کہانیوں اور جھوٹی روایات کا بیان ،انبیاء ، ملائکہ ،صحابہ کرام کے بارے میں شرکیہ اور کفریہ عقیدے کا اظہار، اور اس طرح کی دیگر خرافات کہ جنہیں دیکھ کر شیطان بھی شرماتا ہوگا ۔ اللہ تعالى ہم سب کو ہدایت عطا فرمائے ۔ آمین ۔
مقالہ نگار:
ابو عبد الرحمن محمد رفیق طاہر

Saturday, February 4, 2012

تیسری عید میلاد کی شرعی حیثیت

5 تبصرہ جات


بسم اللہ الرحمن الرحیم 

الحمد للہ رب العالمين، والصلاۃ والسلام على نبينا محمد و آلہ و صحبہ اجمعين، و بعد:

سب تعريفات اللہ رب العالمين كے ليے ہيں، اور ہمارے نبى محمد صلى اللہ عليہ وسلم اور ان كى آل اور ان كے سب صحابہ كرام پر درود و سلام كے بعد:

كتاب و سنت ميں اللہ تعالى كى شريعت اور رسول كريم صلى اللہ عليہ وسلم كى اتباع و پيروى اور دين اسلام ميں بدعات ايجاد كرنے سے باز رہنے كے بارہ جو كچھ وارد ہے وہ كسى پر مخفى نہيں.

اللہ سبحانہ وتعالى كا فرمان ہے:

كہہ ديجئے اگر تم اللہ تعالى سے محبت كرنا چاہتے ہو تو پھر ميرى ( محمد صلى اللہ عليہ وسلم ) كى پيروى و اتباع كرو، اللہ تعالى تم سے محبت كرنے لگے گا، اور تمہارے گناہ معاف كر دے گا
آل عمران 31 

اور ايك مقام پر ارشاد بارى تعالى ہے:

جو تمہارے رب كى طرف سے تمہارى طرف نازل ہوا ہے اس كى اتباع اور پيروى كرو، اور اللہ تعالى كو چھوڑ كر من گھڑت سرپرستوں كى اتباع و پيروى مت كرو، تم لوگ بہت ہى كم نصيحت پكڑتے ہو
الاعراف 3 

اور ايك مقام پر فرمان بارى تعالى كچھ اس طرح ہے:

اور يہ كہ يہ دين ميرا راستہ ہے جو مستقيم ہے، سو اسى كى پيروى كرو، اور اسى پر چلو، اس كے علاوہ دوسرے راستوں كى پيروى مت كرو، وہ تمہيں اللہ كے راستہ سے جدا كرديں گے
الانعام 153 

اور حديث شريف ميں رسول كريم صلى اللہ عليہ وسلم كا فرمان ہے:

" بلا شبہ سب سے سچى بات اللہ تعالى كى كتاب ہے، اور سب سے بہتر ہدايت و راہ محمد صلى اللہ عليہ وسلم كى ہے، اور سب سے برے امور اس دين ميں بدعات كى ايجاد ہے"

اور ايك دوسرى حديث ميں نبى كريم صلى اللہ عليہ وسلم نے فرمايا:
" جس نے بھى ہمارے اس دين ميں كوئى ايسا كام ايجاد كيا جو اس ميں سے نہيں تو وہ كام مردود ہے"
صحيح بخارى حديث نمبر ( 2697 ) صحيح مسلم حديث نمبر ( 1718 )

اور مسلم شريف ميں روايت ميں ہے كہ:

" جس نے بھى كوئى ايسا عمل كيا جس پر ہمارا حكم نہيں تو وہ عمل مردود ہے"

لوگوں نے جو بدعات آج ايجاد كرلى ہيں ان ميں ربيع الاول كے مہينہ ميں ميلاد النبى كا جشن بھى ہے ( جسے جشن آمد رسول بھى كہا جانے لگا ہے ) اور يہ جشن كئى اقسام و انواع ميں منايا جاتا ہے:

كچھ لوگ تو اسے صرف اجتماع تك محدود ركھتے ہيں ( يعنى وہ اس دن جمع ہو كر ) نبى صلى اللہ عليہ وسلم كى پيدائش كا قصہ پڑھتے ہيں، يا پھر اس ميں اسى مناسبت سے تقارير ہوتى اور قصيدے پڑھے جاتے ہيں.

اور كچھ لوگ ايسے بھى ہيں جو كھانے تيار كرتے اور مٹھائى وغيرہ تقسيم كرتے ہيں.

اور ان ميں سے كچھ لوگ ايسے بھى ہيں جو يہ جشن مساجد ميں مناتے ہيں، اور كچھ ايسے بھى ہيں جو اپنے گھروں ميں مناتے ہيں.

اور كچھ ايسے بھى ہيں جو اس جشن كو مذكورہ بالا اشياء تك ہى محدود نہيں ركھتے، بلكہ وہ اس اجتماع كو حرام كاموں پر مشتمل كر ديتے ہيں جس ميں مرد و زن كا اختلاط، اور رقص و سرور اور موسيقى كى محفليں سجائى جاتى ہيں، اور شركيہ اعمال بھى كيے جاتے ہيں، مثلا نبى كريم صلى اللہ عليہ وسلم سے استغاثہ اور مدد طلب كرنا، اور انہيں پكارنا، اور دشمنوں پر نبى صلى اللہ عليہ وسلم سے مدد مانگنا، وغيرہ اعمال شامل ہوتے ہيں
--------------------------------------------------------------------------------



ميلاديوں کے چند شبھات اور اس کا ازالہ 

میلادی حضرات عید میلاد النبی کے تعلق سے اپنے زعم کے مطابق چند دلائل پیش کرتے ہیں اور کچھ شبہات کا اظہار کرتے ہیں ذیل کے سطورمیں انہیں شبہات کا ازالہ کیا گیا ہے
(١) اگر عید میلاد النبی ۖ منانا غلط اور بدعت ہے تو پھر ہندوستان ،پاکستان،بنغلادیش اور دیگر ممالک میں لاکھوں مسلمان کیوں مناتے ہیں ؟تو اس کا جواب یہ ہے کہ اکثریت کا اسلام میں اعتبار نہیں بلکہ حق وباطل کا معیار اور کسوٹی کتاب وسنت ہے پس اگرہزاروں آدمی کتاب وسنت کے خلاف کر رہے ہوں اور صرف ایک آدمی اللہ کی کتاب اور نبی ۖ کی سنت کے مطابق عمل کررہا ہو تو وہ ایک آدمی صحیح اور حق پر ہے .دیکھئے اللہ تعالی نے ابراہیم علیہ السلام سے متعلق فرمایا(ان ابراہیم کان أمة قانتا للہ حنیفا ولم یک من المشرکین)٫٫ بیشک ابراہیم علیہ السلام ایک امت اور اللہ تعالی کے فرمانبردار اور ایک طرفہ مخلص تھے ، وہ مشرکوں میں سے نہ تھے،، (سورئہ نحل :١٢٠) 
اسی طرح یہود ونصاری کا اپنی اکثریت کی دلیل پیش کرنے کی تردید کرتے ہوئے اللہ تعالی نے اپنے نبی ۖ کو خطا ب کرکے فرمایا( وان تطع أکثر من فی الأرض یضلوک عن سبیل اللہ )٫٫اور دنیا میں زیادہ لوگ ایسے ہیں کہ اگر آپ ان کا ماننے لگیں تو وہ آپ کو اللہ کی راہ سے بے راہ کردیں،،(سورئہ انعام :١١٦).
ایک دوسر ے مقام پر اللہ تعالی ارشاد فرماتاہے(وما أکثر الناس ولو حرصت بمؤمنین)٫٫آپ کی خواہش کے باوجود اکثر لوگ ایمان لانے والے نہیں ہیں،،(سورئہ یوسف:١٠٣)
(وما یؤمن أکثرہم باللہ الا وہم مشرکون )٫٫ان میں سے اکثر لوگ باوجود اللہ پر ایمان رکھنے کے بھی مشرک ہی ہیں،،(سورئہ یوسف:١٠٦)
معلوم یہ ہوا کہ حق وباطل کا معیار ،دلائل وبراہین ہیں،لوگوں کی اکثریت واقلیت نہیں،اسلئے یہ کہنا کہ٫٫ اتنے سارے لوگ عید میلاد النبیۖ مناتے ہیں یہ کیسے غلط ہوسکتا ہے؟ ،، درست نہیں.
(٢) حق وباطل کا معیار جب کتاب وسنت ہے تو ہمارے ملکوں میں اتنے بڑے بڑے علماء ہیں کیا وہ قرآن اور حدیث نہیں پڑھتے ہیں؟کیا ان کے پاس کتاب وسنت کا علم نہیں ہے؟ تو اس کا جواب یہ ہے کہ یقینا ہمارے ملکوں میں بڑے بڑے علماء ہیں جو قرآن وحدیث پڑھتے اورپڑھاتے ہیں مگر وہ انبیاء کی طرح معصوم عن الخطاء نہیں ہیں 
ان سے بھی قرآن وحدیث کے سمجھنے میں غلطی ہو سکتی ہے اسی لئے تو امام مالک نے مسجد نبوی میں حدیث کا درس دیتے وقت نبی اکرم ۖکی قبر کی طرف اشارہ کرکے فرمایا:
٫٫کہ دنیا میں بڑے سے بڑے عالم کی بات قبول بھی کی جا سکتی ہے اور رد بھی سوائے اس قبر والے کے ،،.
(٣) ہمارے ملکوں میں علماء کرام کہتے ہیں کہ عید میلاد النبی ۖمنانا بدعت نہیں بلکہ مستحب ہے اور اس عمل کے لئے قرآن وحدیث سے بے شماردلائل پیش کرتے ہیں، اور جب حق وباطل کا معیار دلائل اور براہین ہی ہیں تو پھر وہی لوگ حق پر ہیں کیونکہ ان کے پاس دلائل ہیں !؟ 
تو اس کا جواب یہ ہے کہ اللہ تعالی ارشاد فرماتا ہے (کل حزب بما لدیہم فرحون )٫٫ہر گروہ جو کچھ اس کے پاس ہے اسی پر خوش ہے ،،(سورئہ مؤمنون:٥٣).
آئیے پہلے ہم یہ جاننے کی کوشش کرتے ہیں کہ دلیل کس کو کہا جاتا ہے ؟ دلیل یہ عربی کا لفظ ہے اور ٫٫دَلَّ،، سے ماخوذ ہے جسکا معنی ہے مرشد یعنی رہنمائی کرنے والا،اب میں یہاں ان تمام قرآنی آیات کا ترجمہ جناب احمد رضا صاحب کے ترجمہ وتفسیر سے قارئین کرام کی خدمت میں پیش کرتا ہوں جنہیں میلادی لوگ بطور دلیل پیش کرتے ہیں :
(١)٫٫عیسی بن مریم نے عرض کی اے اللہ اے رب ہمارے ہم پرآسمان سے ایک خوان اتار کہ وہ ہمارے لئے عید ہو ہمارے اگلے پچھلوں کی،،(سورئہ مائدہ:١١٤)
(٢)٫٫اور اللہ کا احسان اپنے اوپر یاد کرو ،،(سورئہ آ ل عمران :١٠٣)
(٣) ٫٫اور اپنے رب کی نعمت کا خوب چرچا کرو ،،(سورئہ ضحی:١١)
(٤)٫٫بے شک اللہ کا بڑا احسان ہوا مسلمانوں پر کہ ان میں انہیں میں سے ایک رسول بھیجا ،،(سورئہ آل عمران :١٦٤)
(٥) تم فرماؤ اللہ ہی کے فضل اور اسکی رحمت اور اسی پر چاہئے کہ خوشی کریں ،،(سورئہ یونس:٥٨)
یہ ہیں میلادیوں کی قرآنی دلیلیں جنہیں وہ چینخ چینخ کر اور گلا پھاڑ پھاڑ کر اپنے بھولے بھالے عوام کو سنا تے ہیں اور اپنا الو سیدھا کرتے ہیں ،قارئین کرام !دل پر ہاتھ رکھ کر کہئے کہ کیا اللہ نے ہم مسلمانوں کو ان آیتوں میں ٫٫عید میلاد النبیۖ،، منانے کا حکم دیا ہے ؟اور کیا اس نے ہمیں وہ سب چیزیں کرنے کا حکم دیا جو آج ہمارے معاشرے میں عید میلاد النبی کے نام پر ہوتا ہے ؟ یقینا آپ کا جواب نفی میں ہوگا ،تو پھرکہیں کمانے کھانے کیلئے ان آیتوں کا سہارا تو نہیں لیا جارہا ہے ؟؟؟؟
لاکھوں احادیث رسول میں میلادیوں کو اپنی بات ثابت کرنے کے لئے کوئی دلیل نہ ملی تو اس روایت کو بطور ثبوت انہوں نے پیش کیا:
اور عروہ نے کہا ثویبہ ابو لہب کی لونڈی تھی ،ابو لہب نے اس کو آزاد کردیا تھا اور اس نے آنحضرتۖ کو دودھ پلایا تھا،جب ابولہب مرگیا تواس کے کسی عزیز نے مرنے کے بعد اس کو خواب میں برے حال میں دیکھا تو پوچھا کیا حال ہے، کیا گزری ؟وہ کہنے لگا جب سے میں تم سے جدا ہوا ہوں کبھی آرام نہیں ملامگر ایک ذرا سا پانی ،ابو لہب نے اس گڑھے کی طرف اشارہ کیا جو انگوٹھے اور کلمہ کی انگلی کے بیچ میں ہوتا ہے ،یہ بھی اس وجہ سے کہ میں نے ثویبہ کو آزاد کردیا تھا،،(صحیح بخاری کتاب النکاح باب:٢٠ حدیث :٥١٠١) 
اس روایت سے عید میلاد النبی کے لئے استدلال کرنا کئی اعتبار سے غلط ہے:
(١) اس روایت میں محض ایک خواب کا ذکر ہے اور اہل اسلام کا اس بات پر اتفاق ہے کہ انبیاء ورسل (علیہم السلام) کے خواب کے علاوہ کسی کابھی خواب قابل حجت نہیں اور اس سے کوئی شرعی حکم ثابت نہیں ہوتا .
(٢) امام بخاری نے ضمنی طو رپر اس واقعہ کو ذکر صرف اس بات کو ثابت کرنے کے لئے کیاہے کہ ثویبہ یہ آپۖ کی رضاعی ماں تھی،اسی لئے انہوں نے یہ باب باندھاہے باب ٫٫ وأمہاتکم اللاتی أرضعنکم،، اور تمہاری رضاعی ماؤں کا باب.
(٣) اس واقعہ میں اس بات کی صراحت نہیں ہے کہ ابولہب نے نبی کی پیدائش کی خوشی میں ثویبہ کو آزاد کیا تھا بلکہ تاریخ کی دیگر کتابوں میں یہ وضاحت موجود ہے کہ ابولہب نے ثویبہ کو نبی صلی اللہ علیہ وسلم کے مکہ سے ہجرت کرجانے کے بعد آزاد کیا تھا (دیکھئے الطبقات ج/١٠٨۔١٠٩،الاستیعاب ج١/١٢)
(٤) امام بخاری نے اس واقعہ کو عید میلاد النبی کے ثبوت کے لئے ذکر کیا ہے اورنہ ہی شارحین صحیح بخاری میں سے کسی نے اس واقعہ سے میلاد کیلئے استدلال کیا ہے .
(٥)یہ خبر ظاہر قرآن کے خلاف ہے ، ارشاد باری تعالی ہے (وقدمنا الی ما عملوا من عمل فجعلناہ ہباء منثورا)٫٫اور انہوں نے جو جو اعمال کئے تھے ہم نے ان کی طرف بڑھ کرانہیں پراگندہ ذروں کی طرح کردیا،،یعنی کافروں کے عمل قیامت کے دن ذروں کی طرح بے حیثیت ہوں گے.(سورئہ فرقان:٢٣) 
(٦)بعض روایت کے مطابق یہ خواب عباس نے دیکھا ہے ،اور ابولہب غزوئہ بدر کے سا ت دن بعد مرگیا،اور عباس غزوہ بدر میں مشرکین قیدیوں میں سے تھے،فدیہ کے بعد وہ مکہ واپس ہوئے اور وہاں انہوںنے اسلام قبول کیا ،قرینہ یہ بتلارہا ہے یہ خواب عباس کے حالت کفر کا ہے اور ایک کافر ومشرک کا خواب قابل اعتبار نہیں .
(فتح الباری ج١/١٤٥۔الاصابہ فی تمییز الصحابہ ج٣/٥١١)
(٧) اگر ما ن بھی لیاجائے کہ ابو لہب نے نبی کی ولادت کے دن اسے آزاد کیا تھا توسوال یہ پیدا ہوتا ہے کہ ابولہب نے اپنے بھتیجے محمد بن عبد اللہ کی پیدائش کی خوشی میں لونڈی آزاد کی تھی یا محمد رسول اللہ کی پیدائش پر ؟ظاہر ہے اس نے رسول اللہ کی پیدائش کی خوشی میں اپنی لونڈی ثویبہ کو آزاد نہیں کیا تھا ،ورنہ وہ اسلام دشمنی میں سب کوپیچھے نہ چھوڑتا ،اورآج ہمارے مسلم بھائی قربت الہی کیلئے اس کے اس عمل کو دلیل بناکر خوشی مناتے ہیں ،کیا دونوں میں فرق نہیں ہے ؟
(٨)اگر مان بھی لیا جائے کہ ابو لہب نے یہ عمل اجروثواب اور قربت الہی کیلئے کیا تھا (اور یہ محال ہے )تو اس سے یہ ثابت ہوتا ہے کہ ٫٫عید میلاد النبی ،،مناناملعون ابو لہب کی سنت ہے نہ کہ پیارے نبیۖ اور صحابہ کرام رضی اللہ عنہم کی.اور ہم مسلمانوں پر ایک ملعون کافر ومشرک کی اتباع حرام ہے .
اللہ تعالی ھم سب مسلمانوں کتاب وسنت کی صحیح سمجھ عطا فرمائے آمین۔

Monday, January 30, 2012

ابھی آیا ہوں امریکہ میں پاکستانی بیچ کر

0 تبصرہ جات

شعر کی صورت میں اپنی راجدھانی بیچ کر

دو۲ نوالے ہی ملے آنکھوںکا پانی بیچ کر


اپنی بڑھی ماں کی خاطر ایک بیٹی شہر سے
لے کے آئی ہے دوا، مگر اپنی جوانی بیچ کر


سچ کہاں لکھے گا میرے دور کا تاریخ دان
جب وہ اپنا پیٹ بھرتا ہے کہانی بیچ کر

پوچھا جو میں نے حکمراں کی امیری کا سبب
ملا جواب! ابھی آیا ہوں امریکہ میں پاکستانی بیچ کر

Wednesday, January 25, 2012

وحدتِ اُمت کے بنیادی اصول

0 تبصرہ جات

بِسْمِ اللّٰہِ الرَّحْمٰنِ الرَّحِیم
وحدتِ اُمت کے بنیادی اصول
بھائیوں اور بہنوں اس مضمون میں کچھ باتیں سخت بھی ہیں لیکن ان کے بغیر بات واضح کرنا مشکل تھا اس امت کی وحدت وقت کی اہم اور بنیادی ضرورت ہے ہم قرآن و صحیح حدیث کے علاوہ تیسری کسی بھی چیز پر کبھی بھی جمع نہیں ہو سکتے۔
اگر کسی بھائی بہن کو میری کوئی بات اچھی نہ لگے یعنی قرآن و سنت کے خلاف لگے تو مجھے سمجھائے کیونکہ میں کوئی عالم نہیں ہوں بس اسلام کا ایک طالب علم ہوں۔ جزاکم اللہ خیرا
اب مضمون کی طرف آتے ہیں۔

اللہ تعالیٰ کا ارشاد ہے کہ
يٰٓاَيُّھَا الَّذِيْنَ اٰمَنُوا اتَّقُوا اللّٰهَ حَقَّ تُقٰتِھٖ وَلَا تَمُوْتُنَّ اِلَّا وَاَنْتُمْ مُّسْلِمُوْنَ ١٠٢؁وَاعْتَصِمُوْا بِحَبْلِ اللّٰهِ جَمِيْعًا وَّلَا تَفَرَّقُوْا ۠
اے ایمان والو ! اللہ سے ڈرو جیسا کہ اُس سے ڈرنے کا حق ہے اور تمہیں موت نہ آئے مگر اس حال میں کہ تم مسلم ہو۔اور تم سب مل کر حبل ِاللہ کو مضبوطی سے تھامے رکھو اور تفرقے میں مت پڑو۔
(سورۃآلِ عمران۔۱۰۳)
اللہ تعالیٰ نے تمام اہل ایمان کو مرتے دم تک صرف مسلم (فقط اللہ کے اطاعت گذار) رہنے کا حکم دینے کے ساتھ حبل اللہ یعنی کتاب اللہ کی بنیاد پر وحدت میں ڈھلے رہنے کا حکم دیا ہے۔ اللہ تعالیٰ نے اپنی کتاب میں مومنین کوباہم وحدت کاحکم دیا ہے توساتھ وحدت کے اُصول بھی بتائے ہیں جن میں سے درج ذیل اُصول ’’بنیادی اُصولوں‘‘ کے طور پرسامنے آتے ہیں۔
وحدت اُمت کاپہلا اُصول
صرف اللّٰہ کی عبادت کرنا
اوراس کے لئے صرف اللّٰہ کے دین
کی ’’خالص اتباع ‘‘ کرنا
اللہ تعالیٰ کا ارشاد ہے کہ
اِنَّ ھٰذِہٖٓ اُمَّتُکُمْ اُمَّۃً وَّاحِدَۃً وَّ اَنَا رَبُّکُمْ فَاعْبُدُوْنِ ﴿﴾
وَ تَقَطَّعُوْٓا اَمْرَھُمْ بَیْنَھُمْ کُلٌّ اِلَیْنَا رٰجِعُوْنَ ﴿﴾

درحقیقت تمہاری یہ اُمت ’’اُمت ِواحدہ‘‘ ہے اور میں تمہارارب ہوں پس تم صرف میری ہی عبادت کرومگر انہوں نے اپنے اس امرکو آپس میں ٹکڑے ٹکڑے کرلیا، آنا سب کو ہماری طرف ہی ہے ۔
(سورۃ الانبیاء ۔۹۲،۹۳)
آیت سے واضح ہوتا ہے کہ صرف ایک اللہ کی عبادت کی بناپر سب لوگ ایک ہی اُمت تھے لیکن جب اُنہوں نے اس امرکو توڑدیا اور غیراللہ کی بھی عبادت میں مبتلاہوئے تو اپنے اپنے الٰہ غیراللہ کے پیچھے الگ الگ گروہوں میں تقسیم ہو گئے۔
اللہ تعالیٰ کی کتاب سے اہل ِ ایمان کو اُن کی وحدت کا پہلا بنیادی اُصول یہ سامنے آتا ہے کہ ہر طرح کی عبادت صرف اللہ ہی کی اختیار کی جائے اوراس کے لئے ’’ اتباع ‘‘ بھی خالصتاً اللہ کے نازل کردہ دین اسلام یعنی ’’قرآن وسنت‘‘ہی کی اختیار کی جائے اوراس کے ساتھ غیراللہ کی اتباع(اللہ کے ساتھ شرک)کو شامل نہ کیا جائے۔ اس اُصول کو توڑنے کا نتیجہ اُمت میں تفرق کی صورت میں سامنے آتا ہے۔
انسان جب اتباع (اطاعت وپیروی )خالصتاًصرف اللہ کے دین ہی کی اختیار کرتے ہیں تواس اتباع (جوکہ بنیادی عمل ِعبادت ہے)میں دیگرہرطرح کی عبادت بھی صرف اللہ کے لئے اختیار کرتے ہیں یوں عبادت کے حوالے سے اُن کی وحدت کااہتمام ہوتا ہے اور وہ تفرق سے بچتے ہیں لیکن جب وہ اللہ کے دین کی اتباع کے ساتھ ساتھ غیراللہ کے ادیان (اللہ کی وحی کی دلیل سے عاری اُصول،فلسفے ، نظریے ،ازم ،قانون ، فہم وفقہ ِدین ،طریقہ زندگی وغیرہ) کی اتباع کاتفرق اختیار کرتے ہیں تو غیراللہ کی اتباع میں دیگراعمال ِ عبادت(مثلاً رکوع،سجدہ،پکار ،دعا، نذر، نیازوغیرہ) بھی مختلف غیراللہ کے لئے کرنے لگ جاتے ہیں اور جن کی اتباع (عبادت) اختیار کرتے ہیں اُس کے پیچھے متفرق بھی ہوجاتے ہیں جیسا کہ آج کل افرادِ اُمت کی حالت ہے ۔
آج بعض لوگ دعویٰ ِ ایمان کے بعدخالصتاً’’کتاب وسنت کی اتباع ‘‘اختیارکرکے خالص’’ مسلم ‘‘بن کر رہنے کی بجائے غیراللہ کے وضع کردہ سیکولرازم کی اتباع اختیارکرکے سیکولر مسلم بن بیٹھے ہیں،بعض کیمونزم اورسوشلزم کی اتباع اختیار کرکے کیمونسٹ مسلم اور سوشلسٹ مسلم بن چکے ہیں، بعض جمہوریت کی اتباع اختیار کر کے جمہوری مسلم بن گئے ہیں ، بعض آئمہ کے فہم وفقہ کی اتباع اختیار کرکے سلفی مسلم، مالکی مسلم، شافعی مسلم، حنبلی مسلم اور حنفی مسلم بن گئے ہیں یوں اللہ کے دین میں غیراللہ کی اتباع کاتفرق اختیار کرکے فرقوں میں بٹ کر اُمت کو بدترین تفرق میں مبتلا کرچکے ہیں جبکہ اللہ تعالیٰ کے ارشادات ہیں کہ
اِنَّآاَنْزَلْنَآاِلَیْکَ الْکِتٰبَ بِالْحَقِّ فَاعْبُدِاللّٰہَ مُخْلِصًا لَّہُ الدِّیْنَ ﴿﴾
اَ لَا لِلّٰہِ الدِّیْنُ الْخَالِصُ ط

یقینا ہم نے اس کتاب کو آپ کی طرف حق کے ساتھ نازل فرمایا ہے پس آپ اللہ ہی کی عبادت کریں دین کو اس کیلئے خالص کرتے ہوئے۔ خبردار !اللہ تعالیٰ کیلئے (قابلِ قبول) صرف دین ِ خالص ہے۔
(سورۃ الزمر۔۲،۳)
وَاَنَّ ھٰذَا صِرَا طِیْ مُسْتَقِیْمًا فَاتَّبِعُوْہُ ج وَلَا تَتَّبِعُوْا السُّبُلَ فَتَفَرَّقَبِکُمْ عَنْ سَبِیْلِہٖ ط ذٰلِکُمْ وَصّٰکُمْ بِہٖ لَعَلَّکُمْ تَتَّقُوْنَ﴿﴾
اور (کہیے) کہ یہی(قرآن) ہے میری راہ جو سیدھی ہے سو اسی پر چلو اور مت چلو (دوسرے) راستوں پر کہ تمہیں اُس کی راہ سے ہٹا کر متفرق کر دیں گے۔یہ وہ باتیں ہیں جن کی تم کو اللہ نے ہدایت کی ہے تا کہ تم تقویٰ اختیار کرو۔
(سورۃالانعام۔۱۵۳)
وَمَا تَفَرَّقَ الَّذِيْنَ اُوْتُوا الْكِتٰبَ اِلَّا مِنْۢ بَعْدِ مَا جَاۗءَتْهُمُ الْبَيِّنَةُ Ć۝ۭوَمَآ اُمِرُوْٓا اِلَّا لِيَعْبُدُوا اللّٰهَ مُخْلِصِيْنَ لَهُ الدِّيْنَ ڏ حُنَفَاۗءَ وَيُقِيْمُوا الصَّلٰوةَ وَيُؤْتُوا الزَّكٰوةَ وَذٰلِكَ دِيْنُ الْقَيِّمَةِ Ĉ۝ۭاور نہیں تفرق میں پڑے وہ لوگ جنہیں کتاب دی گئی تھی مگر بعد اس کے کہ اُن کے پاس واضح احکام آگئے تھے، اور اُنہیں یہی حکم دیا گیا تھا کی اللہ ہی کی بندگی کریں دین کو اُس کے لئے خالص رکھتے ہوئے، ہر طرف سے کٹ کر، یکسو ہو کر اور نماز قائم کریں اور زکوٰۃ ادا کریں اور یہی سیدھا دین ہے۔
(۹۸: البیّنۃ۔۴،۵)
فَاَقِمْ وَجْھَکَ لِلدِّیْنِ حَنِیْفًاط فِطْرَتَ اللّٰہِ الَّتِیْ فَطَرَالنَّاسَ عَلَیْھَاط لَا تَبْدِیْلَ لِخَلْقِ اللّٰہِ ط ذٰلِکَ ا لدِّیْنُ الْقَیِّمُ لا وَلٰکِنَّ اَکْثَرَا لنَّاسِ لَا یَعْلَمُوْنَ ﴿﴾مُنِیْبِیْنَ اِلَیْہِ وَ ا تَّقُوْہُ وَاَقِیْمُواالصَّلٰو ۃَ وَلَا تَکُوْنُوْا مِنَ الْمُشْرِکِیْنَ ﴿﴾لا مِنَ ا لَّذِیْنَ فَرَّقُوْا دِیْنَھُمْ وَ کَا نُوْا شِیَعًا ط کُلُّ حِزْبٍ م بِمَالَدَیْھِمْ فَرِحُوْنَ ﴿﴾
پس ہر طرف سے کٹ کر یکسو ہو کر اپنا رُخ اس دین(قرآن وسنت )کی سمت قائم کردو۔(قائم ہو جاؤ) اس فطرت(اسلام) پر جس پر اللہ نے انسانوں کوتخلیق کیا،اللہ کی بنائی ہوئی ساخت تبدیل نہیں ہو سکتی ،یہی دین ِقیَم ہے لیکن لوگوں کی اکثریت کو پتہ نہیں ہے۔(قائم ہو جاؤ اس پر) اس کی طرف رجوع کرتے ہوئے، اور اُس سے ڈرو اورصلوٰۃ قائم کرو اور نہ ہو جاؤ مشرکین میں سے ،اُن میں سے جنہوں نے اپنے دین میں تفرق اختیار کیا اور گروہوں میں بٹ گئے ، اب جس گروہ کے پاس جو کچھ ہے اسی پر وہ اِترا رہا ہے ۔
(۳۰: الروم۔۳۰․․․۳۲)
وحدت اُمت کادوسرا اُصول
اللّٰہ کی عبادت کے لئے
اللّٰہ کے دین کی ’’مکمل اطاعت ‘‘ کرنا
اللہ تعالیٰ کا ارشاد ہے کہ
یٰٓاَ یُّھَا الَّذِیْنَ اٰمَنُوا ادْخُلُوْا فِی ا لسِّلْمِ کَآ فَّۃً ص وَّلَا تَتَّبِعُوْا خُطُوٰتِ الشَّیْطٰنِ ط اِنَّہٗ لَکُمْ عَدُوٌّ مُّبِیْنٌ ﴿﴾
اے ایمان والو ! تم اسلام میں پورے کے پورے داخل ہو جاؤ اور شیطان کے نقشِ قدم کی پیروی مت کرو۔ حقیقت یہ ہے کہ وہ تمہارا کھلا دشمن ہے۔
(سورۃ البقرہ۔۲۰۸)
اِنَّ الَّذِیْنَ فَرَّقُوْا دِیْنَھُمْ وَکَا نُوْا شِیَعًا لَّسْتَ مِنْھُمْ فِیْ شَی ءٍ ط
جن لوگوں نے اپنے دین کو ٹکڑے ٹکڑے کر لیا اور گروہوں میں بٹ گئے ان کے ساتھ آپ کا کوئی تعلق نہیں ۔
(۶: الانعام ۔۱۵۹)
اللہ کی عبادت کے لئے اللہ کے دین کی’’ مکمل اطاعت ‘‘کرنا وحدت اُمت کا دوسرا اُصول ہے، جبکہ کتاب اللہ کی بعض باتوں کو ماننااوربعض کا انکار کرنا دین میں واضح تفرق اختیارکرناہے مثلاًاللہ پر ایمان لانا مگررسول اللہﷺ پرایمان سے انکار کردینا یا اللہ اور رسول اللہ ﷺ پرایمان لانامگرصلوٰۃ چھوڑ دینا یا صلوٰۃ قائم کرنامگر زکوٰۃ سے انکار کردینا اسی طرح دعوت ِ دین دینا مگر جہاد سے انکار کردینا یا جہاد کرنا مگر امامت ِ شرعی سے انکار کردینا وغیرہ۔ بعض لوگ جب اللہ تعالیٰ کے بقیہ احکامات کوچھوڑ کر کسی ایک حکم کے پیچھے لگ جاتے ہیں تودین میں اس تفرق کے نتیجے میں اُمت میں تفرق کا باعث بنتے ہیں جیساکہ آج کل ہے کہ مثلاًبعض لوگ صرف دعوت وتبلیغ کا کام اختیار کرنے کی بناپر مختلف امیروں کی قیادت میں تبلیغی جماعتیں بنائے ہوئے ہیں اور بعض لوگ صرف جہاد کرنے کی بناپرالگ الگ امیروں کی قیادت میں جہادی پارٹیاں بنا ئے ہوئے ہیں اسی طرح سے دین کے ہر حکم پر الگ پارٹی کے سلسلے میں اُمت میں پارٹیوں کی انتہا نہیں ہے جبکہ اللہ کے دین میں اُمت کی وحدت کا نشان امام ِ شرعی ’’خلیفہ‘‘ دین کے تمام احکامات کونافذ کرنے کا اکیلاذمہ دار ہوتاہے۔ اس سے پہلے اہل ِکتاب بھی دین میں اسی طرح کا تفرق اختیارکرنے کی بناپر اُمت کومتفرق کرنے کا باعث بنے تھے۔ اللہ تعالیٰ کے ارشادات ہیں کہ
وَقُلْ اِنِّیْ ٓ اَنَا ا لنَّذِیْرُالْمُبِیْنُ﴿﴾ کَمَآ اَنْزَلْنَا عَلَی الْمُقْتَسِمِیْنَ ﴿﴾
الَّذِیْنَ جَعَلُوا ا لْقُرْاٰنَ عِضِیْنَ ﴿﴾ فَوَرَبِّکَ لَنَسْئَلَنَّھُمْ اَجْمَعِیْنَ﴿﴾عَمَّا کَانُوْا یَعْمَلُوْنَ﴿﴾
اور کہو کہ بے شک میں صاف صاف تنبیہ کرنے والا ہوں جیسی( تنبیہ)ہم نے اُن تفرقہ پردازوں کی طرف بھیجی تھی جنہوں نے (اپنے ) قرآن کو ٹکڑے ٹکڑے کر ڈالا تھا۔پس قسم ہے تمہارے رب کی ہم ضرور باز پرس کریں گے ان سب سے ان کاموں کی جو وہ کرتے رہے ہیں۔
(۱۵: الحجر۔۸۹․․․۹۳)
اَفَتُؤْمِنُوْنَ بِبَعْضِ ا لْکِتٰبِ وَتَکْفُرُوْنَ بِبَعْضٍ ج فَمَا جَزَآءُ مَنْ یَّفْعَلُ ذٰلِکَ مِنْکُمْ اِلَّا خِزْیٌ فِی الْحَیٰوۃِ الدُّنْیَا ج وَیَوْمَ ا لْقِیٰمَۃِ یُرَدُّوْنَ اِلٰٓی اَشَدِّ الْعَذَابِ ط وَمَااللّٰہُ بِغَافِلٍ عَمَّا تَعْمَلُوْنَ ﴿﴾
کیا تم کتاب کے بعض حصوں کو مانتے ہو اور بعض کا انکار کرتے ہو۔ تو جو ایسا کرے اس کی سزا اس کے سوا کیا ہے کہ دنیا میں ذلیل و رُسوا کیا جائے اور آخرت میں سخت ترین عذاب کی طرف پھیر دئیے جائیں۔اور اللہ ان باتوں سے غافل نہیں ہے جو تم کرتے ہو۔
(سورۃ البقرہ۔۸۵)
وحدت اُمت کاتیسرا اُصول
اللّٰہ کی عبادت کے لئے
صرف محمد ﷺ کا طریقہ اختیار کرنا
اور صرف آپ کے بتائے ہوئے امام کی اقتداء اختیار کرنا
اللہ تعالیٰ اور اس کے رسول ﷺکے ارشادات ہیں کہ!
قُلْ اِنْ کُنْتُمْ تُحِبُّوْنَ اللّٰہَ فَاتَّبِعُوْنِیْ یُحْبِبْکُمُ اللّٰہُ وَ یَغْفِرْلَکُمْ ذُنُوْبَکُمْ ط وَاللّٰہُ غَفُوْرٌ رَّحِیْمُ ﴿﴾
(اے نبیﷺ) کہہ دیجیے کہ اگر تم حقیقت میں اللہ سے محبت رکھتے ہو تو میری اتباع کرو،اللہ تم سے محبت کرے گا اور تمہاری خطاؤں کی مغفرت کرے گا۔وہ بڑا معاف کرنے والا اور رحیم ہے۔
(سورۃآل عمران ۔۳۱،۳۲)
اِنَّ اَصْدَقَ الْحَدِیْثِ کِتَابُ اللّٰہِ وَاَحْسَنَ الْھَدْیِ ھَدْیُ مُحَمَّدٍﷺ وَ شَرُّ الْاُمُوْرِ مُحْدَثَاتُھَا وَکُلُّ مُحْدَثَۃٍ بِدْعَۃٍ وَکُلُّ بِدْعَۃٍضَلَالَۃٌ وَکُلُّ ضَلَالَۃٍ فِی النَّارِ
سب سے بہترین کلام اللہ کی کتاب ہے سب سے بہترین طریقہ محمدصلی اللہ علیہ وسلم کا طریقہ ہے، سب سے بری چیزیں نئی باتیں ہیں، ہر نئی بات بدعت ہے، ہر بدعت گمراہی ہے ، اور ہرگمراہی آگ میں جانے والی ہے۔
(النسائی:کتاب صلاۃ العیدین۔جابر بن عبداللہ رضی اللہ عنہ )
کَانَتْ بَنُوْ ا اِسْرَائِیْلَ تَسُوْ سُھُمُ الْاَنْبِیَاءُ کُلَّمَا ھَلَکَ نَبِیٌّ خَلَفَہ‘ نَبِیّ ٌ وَ اِنَّہ‘ لَا نَبِیَّ بَعْدِیْ وَسَیَکُوْنُ خُلَفَآءُ
بنی اسرائیل کی سیاست انبیاء کیا کرتے تھے جب بھی کوئی نبی فوت ہو جاتا تو اس کے بعد نبی ہی آتا تھا، میرے بعد کوئی نبی(اُمت کی سیاست کاذمہ دار) نہیں ہو گا البتہ خلفاء ہوں گے۔
(بخاری: کتاب احادیث الانبیاء۔ ابی ہریرہ رضی اللہ عنہ)
اِنَّمَا الْاَمَامُ جُنَّۃٌ یُّقَاتَلُ مِنْ وَّرَآئِہٖ وَیُتَّقٰی بِہٖ
امام (خلیفہ)ڈھال ہے اسی کی قیادت میں قتال کیا جاتا ہے اور اسی کے ساتھ دفاع کیا جاتا ہے۔
( بخاری:کتاب الجہاد و السیر ۔ابی ہریرہ رضی اللہ عنہ)
اللہ کی عبادت صرف محمدرسول اللہﷺ کے طریقے (سنت ِنبی ﷺ)پر اورصرف آپ ﷺ کے بتائے ہوئے امیروامام (خلیفہ)کی اقتداء میں کرنااُمت کی وحدت کاتیسرا اُصول ہے ، جب تمام افرادصرف محمدﷺ کے طریقے پر اور صرف آپﷺ کے بتائے ہوئے امیروامام کی اقتداء میں اللہ کی عبادت کرتے ہیں تو مجتمع رہتے ہیں لیکن جب وہ اللہ کی عبادت کے نئے نئے طریقے(بدعات )اختیار کرتے ہیں اورالگ الگ امیروامام بناتے ہیں تو اپنے اپنے طریقے اوراپنے اپنے امیروامام کی اقتداء میں متفرق ہوجاتے ہیں۔
اللہ تعالیٰ نے جہاں اپنی عبادت کے لئے فقط محمدرسول اللہ ﷺ کی سنت کا پابند کیا ہے وہیں اعمال ِعبادت(مثلاًصلوٰۃ ، دعوت ، جہاد) کی امامت کے لئے فقط مسلمین کے امام یعنی ’’خلیفہ‘‘ سے لازماًوابستگی پابند کیا ہے اور اہل ِتفرق گروہوں اوراماموں سے اعتزال کا حکم دیا ہے ۔ نبی ﷺ کے ارشادات ہیں کہ
مَنْ خَرَجَ مِنَ الطَّاعَۃِ وَ فَارَقَ الْجَمَاعَۃَ فَمَاتَ مَاتَ مِیْتَۃً جَاھِلِیَّۃً وَ مَنْ قَاتَلَ تَحْتَ رَاْیَۃٍ عِمِّیَّۃٍ یَِغْضَبُ لِعَصَبَۃٍ اَوْ یَدْعُوْا اِلٰی عَصَبَۃٍ اَوْ یَنْصُرُ عَصَبَۃً فَقُتِلَ فَقِتْلَۃٌ جَاھِلِیَّۃٌ
جو شخص (خلیفہ کی )اطاعت سے نکل جائے اور جماعت کو چھوڑ دے اور مر جائے وہ جاہلیت کی موت مرا۔ جو شخص اندھا دھند ( اندھی تقلید میں) کسی کے جھنڈے تلے جنگ کرے یا کسی گروہ کے لئے غضب ناک ہو ، یاگروہ کی طرف دعوت دے یا گروہ کی نصرت کرے اور قتل ہو جائے تو اس کا قتل جاہلیت کا قتل ہے۔
(مسلم:کتاب الامار ہ۔ ابی ہریرہ رضی اللہ عنہ)
تَلْزَمُ جَمَاعَۃَ الْمُسْلِمِیْنَ وَ اِمَامَھُمْ قُلْتُ فَاِنْ لَّمْ یَکُنْ لَھُمْ جَمَاعَۃٌ وَلَٓا اِمَامٌ قَالَ فَاعْتَزِلْ تِلْکَ الْفِرَقَ کُلَّھَا وَلَوْ اَنْ تَعَضَّ بِاَصْلِ شَجَرَۃٍحَتّٰی یُدْرِکَکَ الْمُوْتُ وَ اَنْتَ عَلٰی ذٰلِکَ۔
مسلمین کی جماعت اور ان کے امام(خلیفہ)( سے وابستگی ) کو لازم پکڑنا، میں نے عرض کی اگر ان کی جماعت اور امام نہ ہوں تو؟ فرمایا : تو ان سب فرقوں سے الگ ہوجانا ، چاہے تمہیں درخت کی جڑیں کیوں نہ چبانی پڑ جائیں تا آنکہ تجھے موت آ جائے اور تمہاری وہی حالت ہو۔
( بخاری: کتاب الفتن۔حذیفہ بن یمان رضی اللہ عنہ )
افراد ِ اُمت جب تک اہل تفرق گروہوں اوراماموں سے وابستہ رہیں گے دین اور اُمت کے تفرق میں مبتلا رہیں گے مگر جب وہ اللہ اور اس کے رسول ﷺ کے احکامات کی اطاعت میں دین میں اہل ِتفرق گروہوں اور اماموں سے الگ ہو جائیں گے تو یہ اُمت کی وحدت کی طرف اُن کا پہلا قدم ہوگا، اس کے بعدمسلمانوں کے امام سے لازماًوابستہ ہونے کے حکم ِرسولﷺ کی اطاعت اور اللہ کی عبادت کے اجتماعی اعمال کی امامت کے لئے صرف شرعی امام کی ضرورت انہیں مسلمانوں کے شرعی امام ’’خلیفہ ‘‘کی تلاش پرمجبورکردے گی پھران سب کو خلیفہ کی بیعت واطاعت میں باندھ کراللہ کی مطلوب وحدت میں ڈھال دے گی اِن شاء اللہ۔
٭٭٭

Friday, January 20, 2012

طاغو ت سے کفرواجتناب

0 تبصرہ جات


بِسْمِ اللّٰہِ الرَّحْمٰنِ الرَّحِیم
طاغو ت سے کفرواجتناب
اللہ تعالیٰ کا ارشاد ہے کہ

لَآ اِكْرَاهَ فِي الدِّيْنِ ڐ قَدْ تَّبَيَّنَ الرُّشْدُ مِنَ الْغَيِّ ۚ فَمَنْ يَّكْفُرْ بِالطَّاغُوْتِ وَيُؤْمِنْۢ بِاللّٰهِ فَقَدِ اسْتَمْسَكَ بِالْعُرْوَةِ الْوُثْقٰى ۤ لَا انْفِصَامَ لَهَا ۭ وَاللّٰهُ سَمِيْعٌ عَلِيْمٌ ٢٥٦؁
اَللّٰهُ وَلِيُّ الَّذِيْنَ اٰمَنُوْا ۙيُخْرِجُهُمْ مِّنَ الظُّلُمٰتِ اِلَى النُّوْرِ ڛ وَالَّذِيْنَ كَفَرُوْٓا اَوْلِيٰۗــــــُٔــھُمُ الطَّاغُوْتُ ۙ يُخْرِجُوْنَـھُمْ مِّنَ النُّوْرِ اِلَى الظُّلُمٰتِ ۭ اُولٰۗىِٕكَ اَصْحٰبُ النَّارِ ۚ ھُمْ فِيْهَا خٰلِدُوْنَ ٢٥٧؁ۧ

دین میں کوئی زور زبردستی نہیں ہے، ہدایت گمراہی سے الگ واضح کر دی گئی ہے پس جس نے طاغوت سے کفر کیااور اللہ پر ایمان لایا وہ ایک مضبوط سہارے سے یوں وابستہ ہو گیا کہ کبھی اس سے جدا کیا جانے والا نہیں ہے اور اللہ سنتا وجانتا ہے۔ اللہ ان کا ولی ہو جاتا ہے جو ایمان لے آتے ہیں ،وہ اُنہیں اندھیروں سے نکال کر روشنیوں میں لے آتا ہے۔ اور جو انکار کرتے ہیں طاغوت ان کے ولی ہوتے ہیں جو انہیں روشنیوں سے نکال کر اندھیروں میں لے جاتے ہیں ۔ یہ جہنم میں جانے والے لوگ ہیں جہاں یہ ہمیشہ رہیں گے۔ 

(۲: البقرہ ۔۲۵۶،۲۵۷)

آیاتِ بالا سے حقیقت واضح ہوتی ہے کہ اللہ کا مضبوط سہارا صرف اس شخص کو میسر آتا ہے جو طاغوت سے کفر کر نے ( طاغوت کو ردّ کرنے )کے ساتھ اللہ پر ایمان لائے۔ اس سے’’طاغوت سے کفر کرنا‘‘ اللہ پر ایمان کی بنیادی اور اوّلین شرط قرار پاتا ہے، ایسا ایمان رکھنے والوں ہی کااللہ ولی(حامی وناصر،دوست وسرپرست) ہو جاتا ہے اور انہیں گمراہی کے اندھیر وں سے نکال کر نور ِہدایت میں لے آتا ہے ۔ اس کے برعکس اللہ پرایسا ایمان لانے سے انکار کرنے والوں(یعنی اللہ پر ایمان سے پہلے طاغوت سے کفرکرنے سے انکارکرنے والوں) کے ولی طاغوت ہی ہوتے ہیں جو انہیں نورِ ہدایت سے گمراہی کے اندھیروں میں کھینچ لے جاتے ہیں۔ یہ جہنم میں جانے والے لوگ ہیں جہاں یہ ہمیشہ رہیں گے۔ 

طاغوت !

طاغوت ’’ طغیٰ‘‘ سے ہے جس کا مطلب ہے حد سے تجاوز کرجانا، سرکش ہو جانا۔

اِذْهَبْ اِلٰى فِرْعَوْنَ اِنَّهٗ طَغٰى 17

یہ کہ تم فرعون کے پاس جاؤ اس نے سرکشی اختیار کر لی ہے۔ سورۃ النازعات آیت نمبر ۱۷ 
اوپردرج آیت میں ’’ ہدایت کے گمراہی سے الگ واضح کر دیئے جانے‘‘ کی بات کہنے کے بعد کہا گیا ہے کہ ’’ پس جس نے طاغوت سے کفر کیااور اللہ پر ایمان لایا ․․․․․․۔‘‘ یہ بات واضح ہے کہ ہدایت صرف اللہ تعالیٰ کی طرف سے ہوتی ہے اور اُس نے ’’کتابُ اللہ(قرآن مجید) اور سنت ِرسول اللہﷺ ‘‘ کی صورت میں لوگوں کی ہدایت کے لئے ’ ’برحق علم‘‘نازل کردیا ہواہے اور’’حق ‘‘کے علاوہ جو کچھ بھی ہے اسے گمراہی قرار دیا ہے جیسا کہ اللہ تعالیٰ کے ارشادات ہیں کہ

قُلْ اِنَّ ھُدَى اللّٰهِ ھُوَ الْهُدٰى ۭ وَلَىِٕنِ اتَّبَعْتَ اَھْوَاۗءَھُمْ بَعْدَ الَّذِيْ جَاۗءَكَ مِنَ الْعِلْمِ ۙ مَا لَكَ مِنَ اللّٰهِ مِنْ وَّلِيٍّ وَّلَا نَصِيْرٍ ١٢٠؁ تم کہہ دو کہ بے شک اللہ کی ہدایت ہی حقیقی ہدایت ہے۔ اور اگر کہیں اتباع کر لی تم نے ان کی اھواء کی اس کے بعد بھی کہ آچکا ہے تمہارے پاس’’ علم‘‘ (اللہ کی نازل کردہ ہدایت)تو تمہارے لئے اللہ سے (بچانے والا)کوئی دوست اور کوئی مددگار نہ ہو گا۔ 
(۲: البقرہ۔۱۲۰
فَمَاذَا بَعْدَ الْحَقِّ اِلَّا الضَّلٰلُ ښ فَاَنّٰى تُصْرَفُوْنَ 32؀

پھر حق کے بعد گمراہی کے سوا اور کیا رہ جاتا ہے؟ (۱۰: یونس۔۳۲
سورۃ بقرہ کی آیت ۲۵۶میں ہدایت و گمراہی کے حوالے سے اللہ(جس کی طرف سے ہدایت نازل کی گئی ہے) کے مقابل ذکر ہونے سے طاغوت ’’گمراہی‘‘پھیلانے والے کے طور پر سامنے آتا ہے۔ اُس کو یہ مقام معاملات ِ زندگی میں لوگوں کے سامنے اللہ کی نازل کردہ ہدایت کی بجائے اھواء پیش کرنے کی بناء پر ملتا ہے اور ایسا کرنے کی وجہ ہی سے وہ حد سے تجاوز کرنے والا(طاغوت) قرار پاتا ہے جیسا کہ اللہ تعالیٰ کا ارشاد ہے
وَ اِنَّ کَثِیْرًا لَّیُضِلُّوْنَ بِاَھْوَآ ئِھِمْ بِغَیْرِ عِلْمٍ ط اِنَّ رَبَّکَ ھُوَ اَعْلَمُ بِالْمُعْتَدِیْن ﴿﴾
اوراکثرلوگ دوسروں کو ’’علم‘‘(اللہ کی نازل کردہ ہدایت) کی بجائے، اپنی اھواء کی بنا پر گمراہ کرتے ہیں۔بے شک تیرا رب ان حد سے تجاوزکرنے والوں(طواغیت) کو خوب جانتا ہے۔ 

(۶: الانعام۔۱۱۹)

اوپر درج آیت سے واضح ہوتا ہے کہ لوگوں کی گمراہی کی وجہ طواغیت کی طرف سے پیش کردہ’’ اھواء‘‘ کی اتباع (اطاعت وپیروی) ہوتی ہے۔ کتاب و سنت سے ’’ اھواء‘‘مخلوق کی خواہش ومرضی،اس کے ظن وگمان اورہراُس بات کے طور پر سامنے آتی ہیں جوخالق کی نازل کردہ ہدایت کو چھوڑکر محض مخلوق کی خواہش ومرضی اور اس کے ظن وگمان سے اخذ کردہ ہوں اور محض اس کی ذہنی اختراع کی صورت میں ہوں۔ یوں ہر وہ شخص طاغوت قرار پاتا ہے جولوگوں کو اتباع کے لئے اللہ کی نازل کردہ ہدایت (کتاب و سنت)کی بجائے اپنی ’ ’اھواء ‘‘پرمبنی کوئی بات( حکم، قانون، فیصلہ، فتویٰ،فلسفہ ، نظریہ ،طریقہ و نظام ِزندگی وغیرہ)پیش کرے خواہ وہ والدین میں سے کوئی ہویا قبیلے کاسردارہو، ملک کا حکمران و سپہ سالار ہویا کوئی قانون ساز،جج و قاضی ہو ، کسی پارٹی کاسربراہ ہو یا علاقے کا سرپینچ ہو، عالم و مفتی ہو یاکوئی پیر و درویش ہو یا کوئی بھی اور ہو۔ 

شیطان: طاغوتوں کا سرغنہ

تمام طواغیت کا سرغنہ شیطان ہے کیونکہ وہی اپنے ان دوستوں (طاغوتوں)کی طرف گمراہ کن با تیں وحی کرتا ہے تاکہ وہ لوگوں سے بحثیں کریں اورانہیں گمراہ کریں جیسا کہ سورۃ الانعام کی اوپر درج آیت ۱۱۹ کے ایک آیت بعد اللہ تعالیٰ کاارشاد ہے کہ

وَاِنَّ الشَّیٰطِیْنَ لَیُوْحُوْنَ اِلٰٓی اَوْلِیٰٓئِھِمْ لِیُجَادِلُوْکُمْ وَاِنْ اَطَعْتُمُوْھُم اِنَّکُمْ لَمُشْرِکُونَ﴿﴾

حقیقت یہ ہے کہ شیاطین اپنے ساتھیوں (حد سے بڑھنے والوں ؍طواغیت)کی طرف وحی کرتے ہیں تا کہ وہ تم سے بحثیں کریں لیکن اگر تم نے ان کی اطاعت قبول کر لی تو یقیناً تم مشرک ہو۔ (سورۃ الانعام۔۱۲۱

طاغو ت سے کفرواجتناب کا نتیجہ :

غیر اللہ کی بندگی (شرک)سمیت ہرگمراہی سے نجات ! 
اوپر درج آیت سے واضح ہوتا ہے کہ طواغیت کی اطاعت کرنے والا مشرک ہوجاتاہے اورذیل میں اللہ تعالیٰ کا ارشاد ہے کہ

قُلْ اِنِّىْ نُهِيْتُ اَنْ اَعْبُدَ الَّذِيْنَ تَدْعُوْنَ مِنْ دُوْنِ اللّٰهِ ۭ قُلْ لَّآ اَتَّبِعُ اَهْوَاۗءَكُمْ ۙ قَدْ ضَلَلْتُ اِذًا وَّمَآ اَنَا مِنَ الْمُهْتَدِيْنَ 56؀

کہہ دو ! بے شک مجھے منع کیا گیا ہے اس سے کہ میں عبادت کروں ان کی جنہیں تم پکارتے ہو اللہ کے سوا۔ کہہ دو ! نہیں اتباع کروں گا میں تمہاری اھواء کی ، اگر ایسا کیا تو یقینا میں گمراہ ہو جاؤں گا اور نہ رہوں گا شامل ہدایت پانے والوں میں ۔ 

(۶: الانعام ۔ ۵۶)

آیت سے واضح ہوتا ہے کہ انسان کسی غیراللہ کی بندگی(شرک) میں مبتلا ہوتا ہے مثلاًاللہ کے علاوہ کسی کو پُکارتا ہے، کسی کو سجدہ کرتا ہے وغیرہ تو وہ ایساکسی طاغوت کی اھواء کی اتباع(طاغوت کی عبادت) کی بنا پرکرتا ہے یوں طاغوت لوگوں سے اپنی اتباع (عبادت) کاشرک کروانے کے علاوہ دیگر غیراللہ کی عبادت کرانے کا بھی ذمہ دار بنتا ہے مگرجب انسان شیطان اوردیگر ہر طاغوت سے کفرواجتناب اختیار کرلیتا ہے تو اس کا یہ کفرواجتناب انسان کے لئے شرک سمیت ہر گمراہی سے بچنے کاباعث بنتا ہے ۔

طاغوت سے کفرواجتناب کرنے کی صورتیں

کتاب و سنت سے طاغوت سے کفرواجتناب کرنے کی درج ذیل صورتیں ہمارے سامنے آتی ہیں:
الف۔ طاغوت پر ایمان نہ رکھنا : یعنی طاغوت کو حکم، قانون، فیصلہ، فتویٰ،فلسفہ ، نظریہ ،طریقہ و نظام ِزندگی وغیرہ جاری کرنے کا حق دار نہ ماننااور اتباع کے قابل نہ ماننا۔ اللہ تعالیٰ کے ارشادات ہیں کہ!

اَلْمْ تَرَ اِلَی الَّذِیْنَ اُوْتُوْا نَصِیْبًا مِّنَ الْکِتٰبِ یُؤْمِنُوْنَ بِالْجِبْتِ وَالطَّاغُوْتِ
وَ یَقُوْلُوْنَ لِلَّذِیْنَ کَفَرُوْا ھٰٓؤُلَآءِ اَھْدٰی مِنَ الَّذِیْنَ اٰمَنُوْاسَبِیْلًا﴿﴾ 
اُولٰٓئِکَ الَّذِیْنَ لَعَنَھُمُ اللّٰہُ ط وَمَنْ یَّلْعَنِ اللّٰہُ فَلَنْ تَجِدَ لَہٗ نَصِیْرًا﴿﴾

کیا آپ نے ان لوگوں کو نہیں دیکھا جنہیں کتاب کے علم میں سے کچھ حصہ دیا گیا ہے اور ان کا حال یہ ہے کہ جبت اور طاغوت پر ایمان رکھتے ہیں اور کافروں کے متعلق کہتے ہیں کہ ایمان لانے والوں سے تو یہی زیادہ سیدھے راستے پر ہیں ،ایسے ہی لوگ ہیں جن پر اللہ نے لعنت کی ہے اور جس پر اللہ لعنت کر دے پھر تم اس کا کوئی حامی و مددگار نہ پاؤ گے۔ (۴: النساء ۔۵۱،۵۲)

اَلَمْ تَرَ اِلَی الَّذِیْنَ یَزْعُمُوْنَ اَنَّھُمْ اٰمَنُوْا بِمَا ٓ اُنْزِلَ اِلَیْکَ وَمَآ اُنْزِلَ مِنْ قَبْلِکَ 
یُرِیْدُوْنَ اَنْ یَّتَحَاکَمُوْآ اِلَی الطَّاغُوْتِ وَ قَدْ اُمِرُوْآ اَنْ یَّکْفُرُوْا بِہٖ ط وَ یُرِیْدُ 
الشَّیْطٰنُ اَنْ یُّضِلَّھُمْ ضَللٰاًم بَعِیْدًا ﴿﴾

کیا آپ نے دیکھا نہیں ان لوگوں کو جو دعویٰ تو کرتے ہیں کہ ہم ایمان لائے ہیں اس پر جو آپ پر نازل ہوا ہے اور اس پر جوآپ سے پہلے نازل ہوا ہے مگر فیصلہ کروانے کے لیے طاغوت کے پاس جانا چاہتے ہیں حالانکہ انہیں اس سے کفر کا حکم دیا گیا ہے۔ شیطان انہیں راہ راست سے بھٹکا کر دور کی گمراہی(شرک) میں لے جانا چاہتا ہے۔ 

(۴: النساء ۔ ۶۰)

ب۔ طاغوت کی عبادت سے اجتناب کرنا
اللہ تعالیٰ کا ارشاد ہے کہ

وَلَقَدْ بَعَثْنَا فِیْ کُلِّ اُمَّۃٍ رَّسُوْلًااَنِ اعْبُدُوااللّٰہَ وَاجْتَنِبُوا الطَّاغُوْتَ

ہم نے ہر امت میں رسول بھیجا کہ صرف اللہ کی عبادت کرو اور طاغوت سے اجتناب کرو۔ 

(۱۶: النحل۔ ۳۶)

طاغوت سے اجتناب کی روح حقیقت میں اس کی عبادت سے اجتناب کرناہے جیساکہ اللہ تعالیٰ کا ارشاد ہے کہ

وَالَّذِیْنَ اجْتَنَبُوا الطَّاغُوْتَ اَنْ یَّعْبُدُوْھَا وَ اَنَا بُوْ ٓا اِلَی اللّٰہِ لَھُمُ الْبُشْرٰی

اورجن لوگوں نے طاغوت سے اجتناب کر لیاکہ اُس کی عبادت کریں اور اللہ کی طرف رجوع کر لیا ان کے لیے خوشخبری ہے۔ 

(۳۹: الزمر۔ ۱۷)

’’طاغوت کی عبادت ‘‘بنیادی طور پرطاغوت کے ایسے احکامات، قوانین، فیصلوں، فتووں، فلسفوں، نظریات اور نظام ہائے زندگی وغیر ہ‘‘ کی اتباع (اطاعت و پیروی)ہوتی ہے جو اُس نے اللہ کی نازل کردہ ہدایت کو چھوڑ کر محض اپنی اھواء سے جاری کئے ہوں، اس لئے طاغوت کی عبادت سے اجتناب بنیادی طو رپر طاغوت کی اھواء پرمبنی مذکورہ بالاچیزوں کی اتباع کرنے سے اور اس سے فیصلے کروانے سے اجتناب قرار پاتا ہے۔
اللہ تعالیٰ کی طرف سے ’’طاغوت کی عبادت سے اجتناب کرکے اللہ کی طرف رجوع کرنے والوں کے لئے خوشخبری ہے‘‘ البتہ طاغوت اگر زور و زبردستی سے کسی مومن کو اپنی اھواء کی اطاعت پر مجبور کردے توایسے مومن کے لئے اللہ سے معافی کی امید ہے لیکن زورزبردستی کی حالت کے بغیر محض دنیا کے فائدے کی خاطرطاغوت کی اطاعت(طاغوت کی عبادت) اختیارکر لینے سے انسان اللہ کے غضب کا سزاوار ہو جاتا ہے ۔ اللہ کے ہاں انجام کے لحاظ سے سب سے بُرے لوگ طاغوت کے عبادت گذار ہیں ۔ اللہ تعالیٰ کے ارشادات ہیں کہ

مَنْ کَفَرَ بِاللّٰہِ مِنْم بَعْدِ اِیْمَانِہٖٓ اِلَّا مَنْ اُکْرِہَ وَ قَلْبُہٗ مُطْمَئِنٌّم بِالْاِیْمَانِِ وَلٰکِنْ 
مَّنْ شَرَحَ بِالْکُفْرِ صَدْرًا فَعَلَیْھِمْ غَضَبٌ مِّنَ اللّٰہِ ج ذٰلِکَ بِاَنَّھُمُ اسْتَحَبُّوا
الْحَیوۃَ الدُّنْیَا عَلَی الْاٰخِرَۃِ لا وَ اَنّ اللّٰہَ لَایَھْدِی الْقَوْمَ الْکٰفِرِیْن ﴿﴾

جو شخص ایمان لانے کے بعد کفر کرے اگر اس کے ساتھ زبردستی کی گئی ہو اور دل اُس کا ایمان پرمطمئن ہو ۔ مگر جس نے دل کی رضا مندی سے کفر قبول کیااس پر اللہ کا غضب ہے ۔ یہ اس لئے ہے کہ انہوں نے دنیا کی زندگی کو آخرت کے بدلے میں پسند کر لیا ہے اور یقینًا اللہ کافروں کو ہدایت نہیں دیتا۔

(سورۃ النحل ۔ ۱۰۶)
قُلْ ھَلْ اُنَبِّئُکُمْ بِشَرٍّ مِّنْ ذٰلِکَ مَثُوْبَۃً عِنْدَ اللّٰہِ ط مَنْ لَّعَنَہُ اللّٰہُ وَ غَضِبَ 
عَلَیْہِ وَجَعَلَ مِنْھُمُ الْقِرَدَۃَ وَالْخَنَازِیْرَ وَ عَبَدَ الطَّاغُوْتَ ط اُولٰٓئِکَ شَرُّ
مَّکَانًا وَّ اَضَلُّ عَنْ سَوَآءِ السَّبِیْلِ﴿﴾

کہو کیا میں بتاؤں تم کو کہ کون زیادہ بُرے ہیں اِن سے بھی انجام کے لحاظ سے اللہ کے نزدیک ، وہ جن پر لعنت کی اللہ نے اور غضب ٹوٹا اُن پر اور بنا دیا اُن میں سے بعض کو بندر اور سؤراور جنہوں نے طاغوت کی عبادت کی ۔ یہی لوگ بدتر ہیں درجہ میں اور زیادہ بھٹکے ہوئے ہیں سیدھے راستے سے۔

(سورۃالمائدہ۔ ۶۰) 
طاغوت کی عبادت سے اجتناب
کے ساتھ اس سے تعلقات کی نوعیت

اللہ تعالیٰ کاارشادہے کہ 

قَدْ كَانَتْ لَكُمْ اُسْوَةٌ حَسَنَةٌ فِيْٓ اِبْرٰهِيْمَ وَالَّذِيْنَ مَعَهٗ ۚ اِذْ قَالُوْا لِقَوْمِهِمْ اِنَّا بُرَءٰۗؤُا مِنْكُمْ وَمِمَّا تَعْبُدُوْنَ مِنْ دُوْنِ اللّٰهِ ۡ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاۗءُ اَبَدًا حَتّٰى تُؤْمِنُوْا بِاللّٰهِ وَحْدَهٗٓ اِلَّا قَوْلَ اِبْرٰهِيْمَ لِاَبِيْهِ لَاَسْتَغْفِرَنَّ لَكَ وَمَآ اَمْلِكُ لَكَ مِنَ اللّٰهِ مِنْ شَيْءٍ ۭ رَبَّنَا عَلَيْكَ تَوَكَّلْنَا وَاِلَيْكَ اَنَبْنَا وَاِلَيْكَ الْمَصِيْرُ

تمہارے لیے ابراہیم ؑ اور اس کے ساتھیوں میں ایک اچھا نمونہ ہے کہ انہوں نے اپنی قوم سے صاف کہہ دیاتھا کہ ہم تم سے اور ان سے جن کو تم اللہ کو چھوڑ کر پوجتے ہو قطعی بیزار ہیں ہم نے تم سے کفر کیا اور ہمارے اور تمہارے درمیان ہمیشہ کے لیے عداوت ہو گئی اور بیر پڑ گیا جب تک تم اللہ واحد پر ایمان نہ لاؤ۔ 

(۶۰: الممتحنہ۔۴)
لَا يَنْهٰىكُمُ اللّٰهُ عَنِ الَّذِيْنَ لَمْ يُقَاتِلُوْكُمْ فِي الدِّيْنِ وَلَمْ يُخْرِجُوْكُمْ مِّنْ دِيَارِكُمْ اَنْ تَبَرُّوْهُمْ وَتُقْسِطُوْٓا اِلَيْهِمْ ۭ اِنَّ اللّٰهَ يُحِبُّ الْمُقْسِطِيْنَ Ď۝
اِنَّمَا يَنْهٰىكُمُ اللّٰهُ عَنِ الَّذِيْنَ قٰتَلُوْكُمْ فِي الدِّيْنِ وَاَخْرَجُوْكُمْ مِّنْ دِيَارِكُمْ وَظٰهَرُوْا عَلٰٓي اِخْرَاجِكُمْ اَنْ تَوَلَّوْهُمْ ۚ وَمَنْ يَّتَوَلَّهُمْ فَاُولٰۗىِٕكَ هُمُ الظّٰلِمُوْنَ Ḍ۝

نہیں منع کرتا تم کو اللہ ان لوگوں کے بارے میں جنہوں نے تم سے دین کے معاملے میں جنگ نہیں کی اور تم کو تمہارے گھروں سے نہیں نکالا کہ تم اُن سے اچھا سلوک کرو اوران سے انصاف کا برتاؤ کرو، بے شک اللہ انصاف کرنے والوں کو پسند کرتا ہے۔ البتہ منع کرتا ہے تم کو اللہ ان لوگوں کے بارے میں جنہوں نے تم سے دین کے معاملے میں جنگ کی اور تم کو تمہارے گھروں سے نکالااور مدد کی ایک دوسرے کی تمہارے نکالنے میں کہ تم ان سے دوستی کرو اور جو ان سے دوستی کریں گے وہی ظالم ہیں۔

(سورۃ الممتحنہ۔ ۸،۹)

Tuesday, January 17, 2012

جمہوریت ایک لعنت ہے اس سے بچیں

1 تبصرہ جات
بسم اللہ الرحمن الرحیم

دورے حاضرمیں انسانیت کیلئے دنیا کی سب سے بڑی لعنت "دین جمہوریت" ہے، جس کی اطاعت اور بندگی میں مشغول دین اسلام کے نام پر بنے ملک کے حکمرانوں کو گیس اور بجلی کی لوڈ شیڈنگ سے تنگ سڑکوں پر احتجاج اور گالیاں دیتے لوگ نظر نہیں آتے، جس کے پاس خود ...دنیا کا اٹھائیسوان بڑا گیس کا ذخیرہ ہے، لیکن یہان کے محکوم لوگوں کے چولھے ٹھنڈے ہو چکے ہیں، لیکن حکمران شکر ادا کررہے ہیں کہ جمہوریت بچ گئی، ایک کاغذ کے ٹکڑے (میمو سکینڈل) کی وجہ سے اپنے ہی ملک فوج اور حکومت ایک دوسرے کے خلاف محاذ آرائی میں مصروف ہے، جس کو کرائےکا میڈیا موت کے کوئیں تک لے آیا ہے، لیکن حکمران شادیانے بجا رہے ہیں کہ جمہوریت بچ گئی، ساتھ ساتھ امریکا مارچ ، اپریل میں قبائلی علاقوں میں آپریشن کی منصوبہ بندی کر رہا ہے، جس کی حمایت پر اس خطہ کی حالت بھی بغداد جیسی اور انکار پر کابل جیسی ہو جائے گی پر حکمران خوش ہیں کہ جمہوریت بچ گئی، سرکلر ڈیبٹ::سود:: کی ادائیگی ٣٠٠ ارب تک ہے، کسی بھی وقت مکمل بلیک آوٹ ہو سکتا ہے، جس کی بحالی کیلئے امریکا کے قدموں میں جھکنا پڑے گا، شاید جوہری پروگرام سے ہی ہاتھ دھونا پڑیں لیکن حکمران لاکھ لاکھ شکر ادا کرتے ہیں کہ جمہوریت بچ گئی، پی آئی اے، ریلوے،بند ہے کسی خطرے کی صورت میں آرمی ایک ایک جگہ سے دوسری جگہ رسد نہیں پھنچا سکتی، کارخانے، فیکٹریاں، بند ہیں، ملازمین تنخواہوں کے انتظار میں ہیں، ملکی پیداوار ختم ہو چکی ہے، پر ہمیشہ کی طرح لیڈران امریکا کے آگے سجدہ ریز ہیں کہ جمہوریت بچ گئی
"دین جمہوریت" انسان کو سکھاتا ہے کہ ہمیشہ در پیش مسائل کو ہمیشہ عقل اوراکثریت کی رائےسے حل ہونا ہے، پر انسان یہ نہیں سمجھتا کہ الله عزواجل ایک لاکھ سے زائد انبیاء اور شریعت کو اسی لیا بھیجا کہ انسان نہ سمجھ اور محدودعقل ہے، صرف الله عزوجل کی شریعت کی سب مسائل کا حل ہے، آج بھی انسان کی فلاح صرف دین اسلام کے نفاذ(خلافت) میں ہے نہ کہ جمہوریت (کفر) میں ...

اور جو شخص اللہ کے نازل کردہ حکم کے مطابق فیصلہ نہ کرے سو وہی لوگ کافر ہیں
(05:44)
 

Wednesday, November 23, 2011

شمشیریں بیچ کر خرید لیے مصلے تو نے

3 تبصرہ جات
شمشیریں بیچ کر خرید لیے مصلے تو نے
بیٹیاں لٹتی رہیں تم دُعا کرتے رہے
مگر اب ہماری مسلم بہنوں نے اپنے ہاتھوں میں تلواریں تھام لیں بھائیوں کی بے حسی دیکھتے ہوئے جو ہم مردوں کے لیئے لمحہ فکریہ ہے، آخر ہم کب تک ظلم کی چکی میں پستے رہیں گیں اور ہماری عزت مآب ماؤں، بہنوں اور بٹیوں کی بے حرمتی ہوتی رہے گی؟؟؟ 

آخر ہم کو کیا ہوگیا ہے ہم آپس میں متحد اور متفق کیوں نہیں ہوتے؟؟؟؟؟


عراق، افغانستان، کشمیر الغرض دنیا میں ہر جگہ اگر کوئی ظلم کی چکی میں پس رہا ہے تو وہ صرف مسلمان ہےکیا ہم لوگ بھول گے اپنے شاندار ماضی کو؟
یا ہمیں بھولا دیا گیا؟؟
یا ہم اپنا ماضی پسند نہیں کرتے؟؟؟
کہ جب ہم مسلم دنیا میں امن و آمان کے ساتھ ترقی کی زینیں چڑ رہے تھے اُس وقت ہم آپس میں متحد تھے ایک خلافت کے سائے میں ایک منظم زندگی بسر کر رہے تھے صرف ایک مظلوم لڑکی کی پکار پر ہزاروں میل کا سفر کرکے اُس مظلوم مسلم لڑکی کی مدد کو آئے تھےکیا وہ سب کچھ بھول گے؟؟؟

آج ایک نہیں ہزاروں مسلمان بزرگ اور نوجوان بہنیں ہمیں مدد کے لیئے پکار رہیں ہیں مگر ہم بے حسوں کی طرح اُن کی پکار پر لبیک نہیں کہہ رہے!!!!
اُس وقت ہم لاکھوں میں تھے تب تو ہم نے ایک مظلوم بہن کی مدد کی مگر آج ہم کڑوروں میں ہوتے ہوئے بھی ہزاروں ماؤں بہنوں کی مدد کیوں نہیں کر پارہے؟؟؟
اس کی اہم اور بنیادی وجوہات یہ ہیں کہ 
ہم لوگ آپس میں متحد نہیں ہیں
سینکڑوں گرہوں میں بٹ چکے ہیں
پوری دنیا میں ایک ارب ساٹھ کڑور ہونے کے باوجود ہمارا اسلامی نظام حکومت یعنی خلافت کہیں بھی قائم نہیں ہے
ہم لوگ دنیا میں چند دن کی زندگی میں مگن ہو چکے ہیں
جہاد اور موت سے ڈرنے لگے ہیں
دنیا کی لالچ نے ہمیں دھوکے باز، جھوٹا، بددیانت اور بے ایمان بنا دیا ہوا ہے
یہ سب علامات ہیں ہماری پستی کی جب تک یہ موجود ہیں ہم ظلم کی چکی میں پستے ہی رہیں گے۔
اللہ کا بھی یہی قانون ہے کہ جو قوم خود اپنی حالت نہیں بدلنا چاہتی اللہ کی اُس قوم کی مدد نہیں کرتا۔

Sunday, November 20, 2011

دعائیں

0 تبصرہ جات






































Posted by Picasa

Wednesday, November 2, 2011

اذکار اور دعائیں مسنونہ

1 تبصرہ جات
بسم اللہ الرحمٰن الرحیم
چھینک کی دعائیں