Showing posts with label روزہ، صیام. Show all posts
Showing posts with label روزہ، صیام. Show all posts

Friday, June 19, 2015

روزہ کی حالت میں برے اعمال سے بچیں

0 تبصرہ جات

بسم اللہ الرحمن الرحیم
کیا مَیں آپ ہم سب نبیﷺ کے ان احکامات پر عمل کرتے ہیں؟؟؟ اگر نہیں تو آج ارادہ کریں آئندہ ہم ان احکامات پر عمل کریں گے ان شاءاللہ
روزہ دار ہر معاملے میں صبر و برداشت کا مظاہرہ کرے کیونکہ نبی ﷺ کا یہی حکم ہے۔
ابوہریرہ رضی اللہ عنہ روایت کرتے ہیں کہ رسول اللہ ﷺ نے فرمایا کہ جب تم میں سے کسی کے روزے کا دن ہو، تو نہ شور مچائے اور نہ فحش باتیں کرے اگر کوئی شخص اس سے جھگڑا کرے یا گالی گلوچ کرے تو کہہ دے میں روزہ دار آدمی ہوں۔

Monday, July 21, 2014

جس مسلم کو لیلۃ القدر مل گئی اس کے سبھی گناہ معاف

0 تبصرہ جات
بسم اللہ الرحمن الرحیم 
جس مسلم کو لیلۃ القدر  مل گئی اس کے سبھی گناہ معاف

عبادہ بن صامت رضی اللہ عنہ سے مروی ہے کہ انہوں نے نبی کریم ﷺ سے شب قدر کے متعلق سوال کیا تو نبی کریم ﷺ نے فرمایا وہ ماہ رمضان میں ہوتی ہے اسے ماہ رمضان کے آخری عشرے میں تلاش کرو کہ وہ اس کی طاق راتوں ٢١،٢٣،٣٥،٢٧،٢٩ ویں یا آخری رات میں ہوتی ہے اور جو شخص اس رات کو حاصل کرنے کے لئے ایمان اور ثواب کی نیت سے قیام کرے اور اسے یہ رات مل بھی جائے تو اس کے اگلے پچھلے سارے گناہ معاف ہوگئے ۔
حَدَّثَنَا أَبُو سَعِيدٍ مَوْلَى بَنِي هَاشِمٍ قَالَ حَدَّثَنَا سَعِيدُ بْنُ سَلَمَةَ يَعْنِي ابْنَ أَبِي الْحُسَامِ حَدَّثَنَا عَبْدُ اللَّهِ بْنُ مُحَمَّدِ بْنِ عَقِيلٍ عَنْ عَمْرِو بْنِ عَبْدِ الرَّحْمَنِ عَنْ عُبَادَةَ بْنِ الصَّامِتِ أَنَّهُ سَأَلَ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ لَيْلَةِ الْقَدْرِ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي رَمَضَانَ فَالْتَمِسُوهَا فِي الْعَشْرِ الْأَوَاخِرِ فَإِنَّهَا فِي وَتْرٍ فِي إِحْدَى وَعِشْرِينَ أَوْ ثَلَاثٍ وَعِشْرِينَ أَوْ خَمْسٍ وَعِشْرِينَ أَوْ سَبْعٍ وَعِشْرِينَ أَوْ تِسْعٍ وَعِشْرِينَ أَوْ فِي آخِرِ لَيْلَةٍ فَمَنْ قَامَهَا ابْتِغَاءَهَا إِيمَانًا وَاحْتِسَابًا ثُمَّ وُفِّقَتْ لَهُ غُفِرَ لَهُ مَا تَقَدَّمَ مِنْ ذَنْبِهِ وَمَا تَأَخَّرَ
مسند احمد:جلد نہم:حدیث نمبر 2728:باب:حضرت عبادہ بن صامت رضی اللہ عنہ کی مرویات 
اس فرمان رسول ﷺ کے مطابق ہر مسلم کو یہ سعادت ملے گی جو بھی ایمان و یقین کے ساتھ ثواب کی امید کے ساتھ شبِ قدر میں اللہ کی عبادت کرئے تو اس کے اگلے پچھلے گناہ اللہ معاف فرما دے گا سبحان اللہ۔
تو بھائیو، بہنو آنے والی باقی سبھی طاق راتوں میں قیام کریں اور اللہ کو راضی کرنے کی سعی کریں اور ایک اور کام ضرور کریں وہ یہ کہ اپنے مظلوم مسلمانوں کو اپنی دُعاؤں میں خاص یاد رکھیں۔
یااللہ پوری دنیا میں مسلمانوں کا قتل عام جاری ہے یااللہ تو مسلمانوں کو ظلم سے بچا لے
یااللہ کافروں کے مقابلے پر اہلِ ایمان کی مدد فرما
یااللہ مظلوم مسلمانوں کی خاص مدد فرما
یااللہ مظلوم مسلمانوں کو ظلم سے جلد از جلد نجات عطا فرما
یااللہ ظالم کافر قوموں کو تباہ و برباد کردے
یااللہ ظالم کافر قوموں کو اپنے عذاب کی گرفت میں پکڑ لے
یااللہ ظالم کافر قوموں کے ظالم و قاتل ہاتھ مجاہدین کے ہاتھوں کٹوا دے
یااللہ اہلِ ایمان کو آپس میں متحد فرما دے
ان کے باہمی جھگڑے، باہمی رنجشیں، باہمی عداوتیں محبت و الفت میں بدل دے
یااللہ ہم سب کو مظلوم مسلمانوں کی مدد کرنے کی توفیق دے
آمین یا رب العالمین۔

Thursday, July 3, 2014

روزہ رکھتے وقت 5 منٹ جلدی اور کھولنے میں 5 منٹ تاخیر کیوں؟

0 تبصرہ جات
بسم اللہ الرحمن الرحیم
روزہ رکھتے وقت 5 منٹ جلدی اور  کھولنے میں 5 منٹ تاخیر کیوں؟
=======================================

حَدَّثَنَا مُوسَى بْنُ دَاوُدَ حَدَّثَنَا ابْنُ لَهِيعَةَ عَنْ سَالِمِ بْنِ غَيْلَانَ عَنْ سُلَيْمَانَ بْنِ أَبِي عُثْمَانَ عَنْ عَدِيِّ بْنِ حَاتِمٍ الْحِمْصِيِّ عَنْ أَبِي ذَرٍّ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ لِبِلَالٍ أَنْتَ يَا بِلَالُ تُؤَذِّنُ إِذَا كَانَ الصُّبْحُ سَاطِعًا فِي السَّمَاءِ فَلَيْسَ ذَلِكَ بِالصُّبْحِ إِنَّمَا الصُّبْحُ هَكَذَا مُعْتَرِضًا ثُمَّ دَعَا بِسَحُورِهِ فَتَسَحَّرَ وَكَانَ يَقُولُ لَا تَزَالُ أُمَّتِي بِخَيْرٍ مَا أَخَّرُوا السَّحُورَ وَعَجَّلُوا الْفِطْرَ

حضرت ابوذر رضی اللہ عنہ سے مروی ہے کہ ایک مرتبہ نبی کریم ﷺ نے فرمایا بلال ! تم اس وقت اذان دیتے ہو جب آسمان پر طلوع فجر ہو جاتی ہے حالانکہ اصل صبح صادق وہ نہیں ہوتی صبح صادق تو چوڑائی کی حالت میں نمودار ہوتی ہے پھر نبی کریم ﷺ نے سحری منگوا کر اسے تناول فرمایا: اور فرماتے تھے کہ میری امت اس وقت تک خیر پر رہے گی جب تک وہ سحری میں تاخیر اور افطاری میں جلدی کرتی رہے گی۔
مسند احمد:جلد نہم:باب:حضرت ابوذرغفاری رضی اللہ عنہ کی مرویات
اس واضح حکم کے ہوتے ہمارے ہاں اس کے خلاف کیا جاتا ہے اور وہ یہ کہ جو صبح صادق کا وقت مقررہ ہے اس سے 5 منٹ پہلے ہی کھانا پینا چھوڑا دیا جاتا ہے حالانکہ ایک اور فرمانِ رسول ﷺ سے واضح ہوتا ہے کہ اگر آذان بھی شروع ہوجاے تو جو کھانا کھا رہا ہو وہ برتن میں سے اپنی ضرورت پوری کرلے آئیں وہ حدیث پڑھتے ہیں

ابوہریرہ  رضی اللہ عنہ سے  روایت ہے کہ رسول اللہ ﷺ نے فرمایا جب تم میں سے کوئی صبح کی اذان سنے اور کھانے پینے کا برتن اس کے ہاتھ میں ہو تو وہ اس کو فورا ہی نہ رکھ دے بلکہ اپنی ضرورت پوری کرے۔
سنن ابوداؤد:جلد دوم:باب:جب صبح کی اذان ہو اور کھانے پینے کا برتن اس کے ہاتھ میں ہو
اسی متن کی حدیث مسند احمد میں بھی ہے۔
مگر پاکستان میں اس کے خلاف عمل ہورہا ہے اسی طرح افطاری کے وقت بھی جو وقت سورج کے غروب کا ہے اس سے 5 منٹ تاخیر سے روزہ افطار کروایا جاتا ہے اور اس عمل کو احتیاط کا نام دیا جاتا ہے کہ کہیں ہمارا روزہ فاصد نہ چلا جائے  مگر فرمانِ رسول ﷺ اس عمل کے خلاف ہے کہ جیسے ہی وقت ہو تو روزہ کھولنے میں جلدی کرو، اب اس جلدی کوئی یہ مراد نہ لے لے کہ ابھی سورج مکمل غروب ہی نہ ہوا ہو تو افطاری کردی جائے بلکہ اس جلدی کا جو حکم ہے وہ غروبِ شمس کے فوراً بعد کا ہے اس میں 5 منٹ تاخیر نہیں کرنا چاہیے کیونکہ یہ فرمانِ رسول ﷺ کے حکم کے خلاف ہے۔
اللہ ہم سب کو اللہ اور رسول ﷺ کے احکامات کے مطابق عمل کرنے کی توفیق دے آمین

مقصد صيام ( روزه )

0 تبصرہ جات
بسم اللہ الرحمن الرحیم
مقصدِ رمضان

يٰٓاَيُّهَا الَّذِيْنَ اٰمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَي الَّذِيْنَ مِنْ قَبْلِكُمْ لَعَلَّكُمْ تَتَّقُوْنَ   ١٨٣ۙ
اے ایمان والو  تم پر روزے فرض کئے گئے ہیں جس طرح تم سے پہلے لوگوں پر فرض کئے گئے تھے تاکہ تم پرہیزگار بنو ۔

انسان گناہوں کا پتلا ہے اگر اس کو نصیحت نہ کی جائے اس کو گناہوں سے نہ روکا جائے تو یہ شیطانوں کو بھی پیچھے چھوڑ جاتا ہے، اللہ نے انسانوں کو گناہوں سے بچنے کا حکم دیا ہے مگر شیطان انسان کو گناہوں کی طرف لے جانا چاہتا ہے اب ایک مسلم بندہ شیطان کے حملوں سے اگر بچنا چاہتا ہے تو اس کے لیئے لازم ہے کہ وہ اللہ کے احکامات کی پیروی کرئے، نماز، روزہ کی پابندی کرئے تو اس میں پرہیزگاری کی صفت پیدا ہو جائے گی  جیسا نماز کے بارے اللہ کا حکم ہے کہ یہ گناہوں سے بچاتی ہے،اور جب  ایک مسلم جب روزہ رکھ لیتا ہے تو اس کے بعد وہ ایک وقتِ مقررہ تک حلال چیزوں سے بھی پرہیز کرتا ہے صرف اس لیئے کہ یہ اس کے اللہ رب العالمین کا حکم ہے، تو جب ایک مسلم حلال چیزوں سے بچنا شروع کردیتا ہے تو اس طرح اس میں حرام کاموں سے بچنے کی قوتِ مدافعت بھی  بڑھ جاتی ہے جس سے ایک مسلم بندہ پرہیزگار بن جاتا ہے۔
جیسا کہ احادیث مبارکہ میں بھی مسلمانوں کو نصیحت کی گئی ہے کہ صرف بھوکا پیاسہ رہنا روزہ کا مقصد نہیں ہے بلکہ اس کے ساتھ اصل مقصد ہے کہ انسان جھوٹ بولنے سے بھی روک جائے، دھوکہ دہی سے رُک جائے، ملاوٹ کرنے سے بھی رُک جائے، گالیاں دینے سے بھی رُک جائے، یعنی ہر ایسے اعمال سے رُکے جس سے اللہ کی ناراضگی ملتی ہو اور جب بندہِ مومن ان سب احکامات پر عمل کرتا ہے تو وہ ایک صالح مسلم بن جاتا ہے اور اصل میں صرف وہی اس عبادت یعنی  روزے کے مقصد کو پورا کرتا ہے۔
اللہ ہم سب کو روزے کے سبھی تقاضے پورے کرنے کی توفیق عطا فرمائے اور ہمیں پرہیزگاروں میں شامل فرمائے آمین ثم آمین

Wednesday, July 2, 2014

کھجور سے روزه کھولنا سنت رسول ﷺ ہے

0 تبصرہ جات
بسم اللہ الرحمن الرحیم

کھجور سے روزه  کھولنا سنت رسول ﷺ ہے

حَدَّثَنَا مُسَدَّدٌ حَدَّثَنَا عَبْدُ الْوَاحِدِ بْنُ زِيَادٍ عَنْ عَاصِمٍ الْأَحْوَلِ عَنْ حَفْصَةَ بِنْتِ سِيرِينَ عَنْ الرَّبَابِ عَنْ سَلْمَانَ بْنِ عَامِرٍ عَمِّهَا قَالَ قَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ إِذَا کَانَ أَحَدُکُمْ صَائِمًا فَلْيُفْطِرْ عَلَی التَّمْرِ فَإِنْ لَمْ يَجِدْ التَّمْرَ فَعَلَی الْمَائِ فَإِنَّ الْمَائَ طَهُورٌ

سلیمان بن عامر رضی اللہ عنہ سے روایت ہے کہ رسول اللہ ﷺ نے فرمایا تم میں سے جو شخص روزہ دار ہو تو اس کو چاہئے کہ وہ کھجور سے افطار کرے اگر کھجور نہ مل پائے تو پھر پانی سے افطار کر لے کیونکہ پانی پاک کرنے والا ہے۔
Narrated Salman ibn Amir:
The Prophet (peace_be_upon_him) said: When one of you is fasting, he should break his fast with dates; but if he cannot get any, then (he should break his fast) with water, for water is purifying.

سنن ابوداؤد:جلد دوم:باب:روزہ کس چیز سے افطار کرنا چاہئے؟

جس نے جھوٹ بولنا اور اس پر عمل کرنا ترک نہ کیا

0 تبصرہ جات
بسم اللہ الرحمن الرحیم

اس فرمانِ رسول ﷺ کو ہر مسلمان اپنے آپ پر پرکھے اور دیکھے کہ وہ کہاں تک اس وعید سے بچنے کی کوشش کرتا ہے؟؟؟
اللہ کی قسم اگر ہم لوگ جھوٹ بولنا، دھوکہ دینا، ملاوٹ کرنا نہیں چھوڑتے تو یہ بھوکا پیاسہ رہنا ہمارے کسی کام نہیں آئے گا،
ہمارے معاشرے میں پھیلی بُرائیاں اس بات کی عکاسی کرتی ہیں کہ ہم لوگ نام کے مسلمان رہ گے ہیں جو صرف کلمہ پڑھتے ہیں مگر اس کلمہ کے مطابق عمل نہیں کرتے، یاد رکھیں ہمارا کلمہ تبھی ہمیں فائدہ دے گا جب ہم اس کے مطابق عمل بھی کریں گیں۔
حَدَّثَنَا آدَمُ بْنُ أَبِي إِيَاسٍ حَدَّثَنَا ابْنُ أَبِي ذِئْبٍ حَدَّثَنَا سَعِيدٌ الْمَقْبُرِيُّ عَنْ أَبِيهِ عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ مَنْ لَمْ يَدَعْ قَوْلَ الزُّورِ وَالْعَمَلَ بِهِ فَلَيْسَ لِلَّهِ حَاجَةٌ فِي أَنْ يَدَعَ طَعَامَهُ وَشَرَابَهُ

ابوہریرہ  رضی اللہ عنہ سے روایت کیا ہے کہ رسول اللہ ﷺ نے فرمایا جس نے جھوٹ بولنا اور اس پر عمل کرنا ترک نہ کیا تو اللہ تعالیٰ کو اس کے کھانا پینا چھوڑ دینے کی کوئی ضرورت نہیں۔ 
Narrated Abu Huraira: 
The Prophet said, "Whoever does not give up forged speech and evil actions, Allah is not in need of his leaving his food and drink (i.e. Allah will not accept his fasting.)"
صحیح بخاری:جلد اول:باب:اس شخص کا بیان جس نے روزے میں جھوٹ بولنا اور اس پر عمل کرنا ترک نہ کیا۔

طاق یعنی 3۔5۔7۔9 عدد کھجوریں کھانا سنتِ رسول ﷺ

0 تبصرہ جات
بسم اللہ الرحمن الرحیم
طاق یعنی 3۔5۔7۔9 عدد کھجوریں کھانا سنتِ رسول ﷺ
ــ========================
حَدَّثَنَا مُحَمَّدُ بْنُ عَبْدِ الرَّحِيمِ حَدَّثَنَا سَعِيدُ بْنُ سُلَيْمَانَ قَالَ حَدَّثَنَا هُشَيْمٌ قَالَ أَخْبَرَنَا عُبَيْدُ اللَّهِ بْنُ أَبِي بَکْرِ بْنِ أَنَسٍ عَنْ أَنَسِ بْنِ مَالِکٍ قَالَ کَانَ رَسُولُ اللَّهِ صَلَّی اللَّهُ عَلَيْهِ وَسَلَّمَ لَا يَغْدُو يَوْمَ الْفِطْرِ حَتَّی يَأْکُلَ تَمَرَاتٍ وَقَالَ مُرَجَّأُ بْنُ رَجَائٍ حَدَّثَنِي عُبَيْدُ اللَّهِ قَالَ حَدَّثَنِي أَنَسٌ عَنْ النَّبِيِّ صَلَّی اللَّهُ عَلَيْهِ وَسَلَّمَ وَيَأْکُلُهُنَّ وِتْرًا

انس بن مالک  رضی اللہ عنہ روایت کرتے ہیں کہ انہوں نے فرمایا کہ رسول اللہ ﷺ عید الفطر کے دن جب تک چند کھجوریں  نہ کھا لیتے، عیدگاہ کی طرف نہ جاتے اور مرجی بن رجاء نے عبیداللہ بن ابی بکر سے اور انہوں نے انس سے اور انس نے نبی ﷺ سے روایت کیا کہ آپ ﷺ کھجوریں  طاق عدد میں کھاتے تھے۔ 
Narrated Anas bin Malik: Allah's Apostle never proceeded (for the prayer) on the Day of 'Id-ul-Fitr unless he had eaten some dates. Anas also narrated: The Prophet used to eat odd number of dates.
حوالہ
صحیح بخاری:جلد اول:باب:عیدگاہ جانے سے پہلے عیدالفطر کے دن کھانے کا بیان

Friday, August 9, 2013

رمضان المبارک کے متعلق اذکار اور دعائیں

2 تبصرہ جات
بسم اللہ الرحمن الرحیم
رمضان المبارک کے متعلق اذکار اور دعائیں

قرآن اور احادیث میں ہم کو ہر معاملے میں بہترین رہنمائی ملتی ہے الحمدللہ آج آپ لوگوں کے سامنے روزے کے متعلق دعائیں اور اذکار اور مسائل کے پکچر گرافکس پیش کر رہا ہوں اللہ قبول فرمائے اور ہمیں ان دعاؤں اور اذکار کو وقت پر پڑھنے کی توفیق عطا فرمائے آمین

سحری کھانا باعث برکت

صدقہ فطر کے مسائل

رمضان میں جنت کے دروازے کھول دیئے جاتے ہیں

روزے کی حالت میں گناہ کرنا

شب قدر کو آخری طاق راتوں میں تلاش کرنے کا حکم

روزے کا اجر بے حساب ملے گا

رمضان المبارک میں نبی ﷺ کی سخاوت

رمضان میں روزہ اور قیام 

شوال کے چھے6 روزوں کی فضیلت

روزہ کی حالت میں مسواک کرنا سنت

روزہ افطار کرنے کی دعا

افطاری میں جلدی کرنا بھلائی کا سبب

چاند دیکھ کر روزہ رکھنا اور عید منانا

افطاری کی سنتیں

کسی کو روزہ افطار کروانے کا ثواب

روزہ اور قرآن قیامت کے دن شفاعت کروائیں گے

لیلۃ القدر کی فضیلت

ماہ رمضان میں شیاطین کا قید ہونا

روزے کی حالت میں بھول کر کھانا پینا

رمضان کے آخری عشرہ میں زیادہ عبادت کرنا


Friday, August 5, 2011

گناہوں سے بخشش مگر مومن کے لیئے

0 تبصرہ جات

بسم اللہ الرحمن الرحیم

 ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا جو شخص رمضان میں ایمان کے ساتھ اور ثواب کا کام سمجھ کر روزے رکھے اس کے اگلے گناہ معاف کردئیے جائیں گے۔
Narrated Abu Huraira: Allah's Apostle said, "Whoever observes fasts during the month of Ramadan out of sincere faith, and hoping to attain Allah's rewards, then all his past sins will be forgiven."
صحیح بخاری:جلد اول: ایمان کا بیان :ثواب کی نیت سے رمضان کے روزے رکھنا ایمان میں داخل ہے

 مسلم بن ابراہیم، ہشام، یحیی بن ابی سلمہ ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں آپ نے فرمایا کہ جو شخص شب قدر میں ایمان کے ساتھ اور ثواب کی نیت سے کھڑا ہو، اسکے اگلے گناہ بخش دئیے جاتے ہیں اور جس نے ایمان کے ساتھ اور ثواب کی نیت سے رمضان کے روزے رکھے اس کے اگلے گناہ بخش دئیے جاتے ہیں۔ اور جس نے ایمان کے ساتھ اور ثواب کی نیت سے رمضان کے روزے رکھے اس کے اگلے گناہ بخش دئیے جاتے ہیں۔
Narrated Abu Huraira: 
The Prophet said, "Whoever established prayers on the night of Qadr out of sincere faith and hoping for a reward from Allah, then all his previous sins will be forgiven; and whoever fasts in the month of Ramadan out of sincere faith, and hoping for a reward from Allah, then all his previous sins will be forgiven."
صحیح بخاری:جلد اول:باب:روزے کا بیان :اس شخص کا بیان جس نے ایمان کے ساتھ ثواب کی غرض سے نیت کرکے رمضان کے روزے رکھے اور حضرت عائشہ رضی اللہ عنہا نے نبی صلی اللہ علیہ وسلم سے روایت کیا ہے لوگ اپنی نیتوں کے مطابق اٹھائے جائیں گے ۔

روزہ جلد افطار کرنا سنتﷺ

0 تبصرہ جات

بسم اللہ الرحمن الرحیم
 حضرت سہل بن سعد رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا لوگ ہمیشہ بھلائی کے ساتھ رہیں گے جب تک روزہ جلد افطار کرتے رہیں گے۔
Sahl b. Sa'd (Allah be pleased with him) repotted Allah's Messenger (may peace be upon him) as saying: The people will continue to prosper as long as they hasten the breaking of the fast.
صحیح مسلم:جلد دوم:باب:روزوں کا بیان :سحری کھانے کی فضیلت اور اس کی تاکید اور آخری وقت تک کھانے کے استحباب کے بیان میں

ابوعطیہ رضی اللہ عنہ سے روایت ہے کہ میں اور حضرت مسروق دونوں کے دونوں ایک روز عائشہ صدیقہ رضی اللہ عنھا کی خدمت اقدس میں حاضر ہوئے۔ مسروق نے فرمایا کہ دو حضرات رسول کریم صلی اللہ علیہ وآلہ وسلم کے صحابہ میں سے ہیں اور دونوں کے دونوں نیک کام میں کوتاہی نہیں کرتے۔ لیکن ان میں سے ایک نماز بھی تاخیر سے ادا کرتا ہے اور روزہ بھی تاخیر سے افطار کرتا ہے اور دوسرا شخص نماز بھی جلدی سے پڑھتا ہے اور وہ شخص روزہ بھی جلد افطار کرتا ہے۔ حضرت عائشہ صدیقہ رضی اللہ عنھا نے کہا کہ وہ کون شخص ہے جو کہ نماز بھی جلدی ادا کرتا ہے اور روزہ بھی جلدی افطار کر لیتا ہے؟ حضرت مسروق رضی اللہ عنہ نے فرمایا وہ عبداللہ بن مسعود رضی اللہ عنہ ہیں۔ یہ بات سن کر عائشہ صدیقہ رضی اللہ عنھا نے فرمایا رسول کریم صلی اللہ علیہ وآلہ وسلم بھی اسی طریقہ سے عمل فرمایا کرتے تھے۔
سنن نسائی:جلد دوم:باب:روزوں سے متعلقہ احادیث

 حضرت ابوہریرہ رضی اللہ عنہ راوی ہیں کہ رسول کریم صلی اللہ علیہ وآلہ وسلم نے فرمایا۔ اللہ تعالیٰ کا ارشاد ہے کہ میرے بندوں میں سب سے زیادہ پیارا وہ بندہ ہے جو وقت ہو جانے پر افطار میں جلدی کرے۔ (ترمذی)
مشکوۃ شریف:جلد دوم:باب:رویت ہلال کا بیان :وقت ہوجانے پر افطار میں جلدی کرنے کی فضیلت

Sunday, July 31, 2011

روزے کے اہم اہم مسائل

2 تبصرہ جات

بسم اللہ الرحمٰن الرحیم


روزے کے اہم اہم مسائل


1-
وجوب نیت


فرض روزوں کے لیے رات کو طلوع فجر سے پہلے پہلے روزے کی نیت کرنا ضروری ہے۔ نبی صلی اللہ علیہ وسلم کا فرمان ہے۔
جس نے فجر سے پہلے پہلے رات کو روزے کی نیت نہ کی، اس کا روزہ نہیں۔

من لم۔۔۔۔ صیام لہ) (سنن ابی داؤد، الصیام، باب النیة فی الصوم، ح:۲۴۵۴)




رمضان المبارک میں رات کو ہر مسلمان کی نیت ہوتی ہے کہ اس نے صبح روزہ رکھنا ہے، علاوہ ازیں فجر کے طلوع ہونے سے پہلے پہلے اس نے سحری بھی کھانی ہوتی ہے، اور سحری کا وقت بھی رات ہی میں شامل ہے۔ اس اعتبار سے نیت تو بہر حال ہوتی ہی ہے، کیونکہ نیت کا محل دل ہے نہ کہ زبان ۔ یہی وجہ ہے کہ روزہ رکھنے کی نیت کے کوئی الفاظ نبی صلی اللہ علیہ وسلم سے ثابت نہیں ہیں اور یہ جو عام کیلنڈروں میں روزے کی نیت کے الفاظ لکھے ہوتے ہیں

وبصوم غد نویت من شہر رمضان
 بالکل بے اصل ہیں۔ اس کی سند نہیں ہے۔ اس لیے ان الفاظ کا پڑھنا صحیح نہیں، کیونکہ یہ نبی صلی اللہ علیہ وسلم سے ثابت ہی نہیں ہیں۔




2-
روزے کا وقت




طلوع فجر سے غروب شمس تک ہے۔ صبح صادق سے پہلے سحری کھا لی جائے اور پھر سورج کے غروب ہونے تک تمام مفطرات سے اجتناب کیا جائے۔


3-
سحری ضرور کھائی جائے




بعض لوگ سحری کھانا ضروری نہیں سمجھتے اور رات ہی کو کھا پی کر سو جاتے ہیں یا آدھی رات کو کھا لیتے ہیں۔ یہ دونوں ہی باتیں غلط ہیں۔ نبی کریم صلی اللہ علیہ وسلم کا فرمان ہے
ہمارے اور اہل کتاب کے روزے کے درمیان فرق کرنے والی چیز، سحری کا کھانا ہے۔‘‘


فضل ما ۔۔۔۔۔۔۔۔السحر) (صحیح مسلم، الصیام، باب فضل السحور۔۔۔، ح:۱۰۹۶)




یعنی اہل کتاب سحری نہیں کھاتے اور مسلمان سحری کھا کر روزہ رکھتے ہیں۔ اس لیے سحری ضروری کھانی چاہیے۔ چاہے ایک کھجور یا چند گھونٹ پانی ہی ہو۔ اس میں برکت بھی ہے اور جسمانی قوت کا ذریعہ بھی اور یہ دونوں چیزیں روزہ نبھانے کے لیے ضروری ہیں۔ اسی لیے نبی صلی اللہ علیہ وسلم نے سحری کو غدائے مبارک سے تعبیر فرمایا ہے۔

(سنن ابی داؤد، الصیام، باب من سمی السحور الغداء، حدیث :۲۳۴۴)




ایک اور حدیث میں فرمایا
سحری کا کھانا باعث برکت ہے، اس لیے اسے نہ چھوڑو، چاہے کوئی ایک گھونٹ پانی ہی پی لے، کیونکہ اللہ عزوجل اور اس کے فرشتے سحری کھانے والوں پر رحمت بھیجتے ہیں۔‘‘ یعنی اللہ تعالیٰ رحمت بھیجتا ہے اور فرشتے رحمت و مغفرت کی دعا کرتے ہیں۔


السحور اکلہ۔۔۔۔۔۔ علی المسحرین) (الفتح الربانی: ۱۶/۱۰)


اسی طرح نبی اکرم صلی اللہ علیہ وسلم کا معمول اور طریقہ مبارک یہ تھا کہ سحری فجر سے تھوڑی دیر پہلے بالکل آخری وقت میں کھایا کرتے تھے۔ روزے داروں کے لیے اس طریق نبویﷺ کو اپنانے میں بڑے فائدے ہیں۔ مثلاً فجر کی نماز میں سستی نہیں ہوتی، سحری سے فراغت کے فوراً بعد نماز فجر کا وقت ہو جاتا ہے۔



انسان آسانی سے جماعت کے ساتھ نماز پڑھ لیتا ہے اور روزے کی ابتداء اور انتہاء کے درمیان وقفہ کم ہو جاتا ہے، جس سے روزے دار کو سہولت مل جاتی ہے وغیرہ۔ یہی وجہ ہے کہ رسول اللہ صلی اللہ علیہ وسلم نے ’’صوم و صال ‘‘ یعنی بغیر کچھ کھائے پئے مسلسل روزے رکھنے سے منع فرمایا ہے۔


صحیح بخاری، الصیام، باب الوصال، ح:۱۹۶۲، ومسلم، باب النھی عن الوصال، ح: ۱۱۰۴


4-
روزہ کھولنے میں جلدی کرنا




نبی کریم صلی اللہ علیہ وسلم کی ایک سنت یہ بھی ہے کہ روزہ کھولنے میں تاخیر نہ کی جائے، بلکہ جلدی کی جائے۔ جلدی کا مطلب سورج کے غروب ہونے سے قبل روزہ کھولنا نہیں ہے، بلکہ سورج کے غروب ہونے کے بعد بلا تاخیر فوراً روزہ کھولنا ہے۔ جیسے بعض لوگ سورج غروب ہونے کے بعد اتنا اندھیرا چھا جانے کو ضروری سمجھتے کہ تارے نظر آنے لگ جائیں۔ نبی صلی اللہ علیہ وسلم کے زمانے میں یہود و نصاری کا یہی معمول تھا۔ اس لیے آپ نے مسلمانوں کو حکم دیا کہ تم یہود و نصاری کے برعکس سورج کے غروب ہوتے ہیں فوراً روزہ کھول لیا کرو۔




رسول اللہ صلی اللہ علیہ وسلم نے فرمایا
لوگ اس وقت تک ہمیشہ بھلائی میں رہیں گے جب تک روزہ کھولنے میں جلدی کریں گے۔‘‘

لا یزال الناس۔۔۔۔۔۔ الفطر) (صحیح البخاری، الصوم، باب تعجیل الافطار، ح: ۱۹۵۷، ومسلم، الصیام، باب فضل السحور، ح:۱۰۹۸)




5-
روزہ کس چیز سے کھولا جائے




حضرت انس رضی اللہ عنہ سے روایت ہے
رسول اللہ صلی اللہ علیہ وسلم کا معمول تھا کہ نماز مغرب سے پہلے تازہ کھجوروں سے روزہ افطار کرتے، اگر تازہ کھجوریں نہ ہوتیں تو چھواروں سے روزہ کھولتے، اگر چھوارے بھی نہ ہوتے تو پانی کے چند گھونٹ نوش فرما لیتے۔‘‘


کان رسول اللہ صلی اللہ علیہ وسلم ۔۔۔۔۔۔ من ماء) (سنن ابی داؤد، الصیام، باب مایفطر علیہ، ح: ۲۳۵۶)


ہمارا معمول اس نبوی معمول سے کتنا مختلف ہے۔ ہمارے ہاں افطاری کے وقت انواع و اقسام کے پھل فروٹ کے علاوہ چٹ پٹی اور مصالحے دار چیزوں کی بھی فراوانی ہوتی ہے، جس سے معدے میں گرانی ہو جاتی ہے جو صحت کے لیے سخت مضر ہے۔ ہمیں بھی ان تکلفات کی بجائے سادگی ہی کو اختیار کرنا چاہیے۔ اسی میں اخروی اجر و ثواب بھی ہے اور دنیوی فائدہ بھی۔


6-
قبولیت دعا کا وقت




سارا دن اللہ تعالیٰ کی رضا کے لیے بھوک پیاس برداشت کرنے اور اپنی جنسی خواہش پر کنٹرول کرنے کی وجہ سے ایک مومن کو اللہ تعالیٰ کے ہاں ایک خاص مقام حاصل ہو جاتا ہے، اس لیے افطاری کے وقت قبولیت دعا کا بھی بہت امکان ہوتا ہے۔
ایک حدیث میں رسول اللہ صلی اللہ علیہ وسلم نے فرمایا

افطاری کے وقت روزے دار کی دعا رد نہیں کی جاتی۔‘‘


ان للصائم۔۔۔۔ ما ترد) (سنن ابن ماجہ، الصیام، باب فی الصائم لا تردد دعوتہ، ح: ۱۷۵۳)




7-

افطاری کے وقت کون سی دعا پڑھی جائے




اس سلسلے میں ایک دعا یہ مشہو رہے

اللھم لک صمت وعلیٰ رزقک افطرت) لیکن یہ مرسل روایت ہے جو محدثین کے نزدیک ضعیف شمار ہوتی ہے۔ ایک دوسری دعا ہے جو عام کیلنڈروں میں لکھی ہوتی ہے 

اللھم لک صمت وبک آمنت وعلیک توکلت وعلی رزقک افطرت)


یہ دعا بالکل بے سند اور بے اصل ہے، ایک تیسری دعا ہے جو نبی صلی اللہ علیہ وسلم افطاری کے وقت پڑھتے تھے۔


(
ذَھَبَ الظَّمَاءُ وَابْتَلَّتِ الْعُرُوْقُ وَثَبَتِ الْاَجْرُ اِنْ شَاءَ اللہُ)


پیاس دور ہوگئی، رگیں تر ہوگئیں اور اگر اللہ نے چاہا تو اجر ثابت ہوگیا۔‘‘


اس کی سند حسن درجے کی ہے۔ (

مشکوة للالبانی ۲۶۱/۱) اس لیے بہتر ہے کہ افطاری کے وقت یہی دعا پڑھی جائے۔ اگرچہ شیخ البانی نے دوسری مرسل روایت کو بھی شواہد کی بنا پر قابل قبول قرار دیا ہے۔ لیکن بعض دوسرے علماء شیخ البانی کی اس رائے سے متفق نہیں اور وہ اسے ضعیف قرار دیتے ہیں۔و اللہ اعلم




8-
روزہ کھلوانے کا ثواب


نبی کریم صلی اللہ علیہ وسلم نے فرمایا
جس نے کسی روزے دار کا روزہ کھلوایا یا کسی غازی کو تیار کیا تو اس کے لیے بھی اس کے برابر اجر ہے۔


من فطر۔۔۔۔۔ مثل اجرہ)(شرح السنة، باب ثواب من فطر صائما، ح: ۱۸۱۹ وشعب الایمان، الصیام، فضل فیمن فطر صائما، ح: ۳۹۵۳)




روزہ کھلوانے کا یہ اجر ہر شخص اپنی طاقت کے مطابق حاصل کر سکتا ہے، اس کے لیے پر تکلف دعوت کی ضرورت نہیں۔


9-
روزے دار کے لیے حسب ذیل چیزوں سے اجتناب ضروری ہے
1-

جھوٹ سے: جیسے نبی کریم صلی اللہ علیہ وسلم نے فرمایا:جس شخص نے جھوٹ بولانا اور جھوٹ پر عمل کرنا نہ چھوڑا، تو اللہ عزوجل کو کوئی ضرورت نہیں ہے کہ ایسا شخص اپنا کھانا پینا چھوڑے۔ ‘‘ یعنی اللہ تعالیٰ کے ہاں اس کے روزے کی کوئی اہمیت نہیں۔


من لم۔۔۔واشربہ) (صحیح البخاری، الصوم، باب من لم یدع قول الزور والعمل بہ فی الصوم، ح: ۱۹۰۳)
2-

لغو اور رفث سے: نبی کریم صلی اللہ علیہ وسلم نے فرمایا:


روزہ صرف کھانا پینا (چھوڑنے کا) نام نہیں ہے۔ روزہ تو لغو اور رفث سے بچنے کا نام ہے۔ اس لیے اگر تجھ کو کوئی شب و ستم کرے یا تیرے ساتھ جہالت سے پیش آئے تو تُو کہہ دے میں تو بھئی روزے دار ہوں۔‘‘


لیس الصیام۔۔۔۔ انی صائم) (صحیح ابن خزیمہ ۲۴۲/۳، ح: ۱۹۹۶۔ مط۔ المکتب الاسلامی)


3-

لغو: ہر بے فائدہ اور بے ہودہ کام کو کہتے ہیں ، جیسے ریڈیو اور ٹی وی کے لچر اور بے ہودہ پروگراموں کا سننا اور دیکھنا ہے۔ تاش ، شطرنج اور اس قسم کے دیگر کھیل ہیں۔ فحش ناول، افسانے اور ڈرامے ہیں۔ دوست احباب کے ساتھ خوش گپیاں ، چغلیاں ، بے ہودہ مذاق اور دیگر نا شائستہ حرکتیں ہیں۔
4-

رفث کا مطلب :جنسی خواہشات پر مبنی باتیں اور حرکتیں ہیں۔ یہ لغو و رفث روزے کی حالت میں بالخصوص ممنوع ہیں۔ اس لیے تمام مذکورہ باتوں اور حرکتوں سے اجتناب کیا جائے۔




اسی طرح کوئی لڑنے جھگڑنے کی کوشش کرے ، گالی گلوچ کر کے اشتعال دلائے، تو روزے دار اس جہالت کے مقابلے میں صبر و تحمل اور در گزر سے کام لے اور دوسرے فریق کو بھی اپنے عمل سے یہ وعظ و نصیحت کرے کہ روزے کی حالت میں بالخصوص جدال و قتال سے بچنا اور قوت برداشت سے کام لینا چاہیے۔




جھوٹ اور جھوٹ پر عمل کرنے سے اجتناب کا مطلب ہے کہ روزے میں نہ جھوٹی بات کرے نہ دجل و فریب پر مبنی کوئی حرکت، جیسے دکان میں بیٹھ کر گاہکوں سے جھوٹ بولے یا ان کو دھوکہ اور فریب دینے کی کوشش کرے، جیسا کہ بد قسمتی سے بے شمار دکاندار ان حرکتوں کا ارتکاب کرتے ہیں۔ یہ حرکتیں ہر وقت ہی ممنوع ہیں۔ لیکن روزہ رکھ کر ان حرکتوں کا ارتکاب تو بہت بڑی جسارت اور غفلت شعاری کا عجیب مظاہرہ ہے۔




ایسے ہی لوگوں کی بابت رسول اللہ صلی اللہ علیہ وسلم نے فرمایا ہے
کتنے ہی روزے دار ہیں جن کو سوائے پیاس کے، روزہ رکھنے سے کچھ نہیں ملتا اور کتنے ہی شب بیدار ہیں جن کو بے خوابی کے سوا شب بیداری سے کچھ حاصل نہیں ہوتا۔‘‘


کم من صائم۔۔۔۔۔۔۔۔الا السھر) (مسند احمد: ۴۴۱/۲ وسنن الدارمی، الرقائق، باب فی المحافظة علی الصوم، ح: ۲۷۱۶ وقال الالبانی اسنادہ جید، مشکوة للالبانی: ۶۲۶/۱)