Sunday, August 24, 2014

اے جان اگر تم ساتھ نہ دو تو تنہا ہم سے کیا ہو گا؟؟؟

0 تبصرہ جات

اے جان اگر تم ساتھ نہ دو تو تنہا ہم سے کیا ہو گا
تم آؤ فرض بلاتا ہے دنیا میں تغیر آتا ہے
اک طوفاں جوش دکھاتا ہے اک فتنہ شور مچاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم لوگ ابھی آزاد نہیں ذہنوں کی غلامی باقی ہے
تقدیر کی شفقت سے حاصل تدبیر کی خامی باقی ہے
سینوں کے حرم سونے ہیں ابھی امیدوں سے آباد نہیں
چہروں کی چمک اک دھوکا ہے کوئی بھی جوانی شاد نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مغرب کے اصولوں بندھن افسوس نہ اب تک ٹوٹ سکے
ہم کہنہ مشق بھکاری ہیں مشکل ہے کہ عادت چھوٹ سکے
کب بویا اپنا بیج کوئی جو نم پائے اور پھوٹ سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تقلید کے ایسے خوگر ہیں آزاد روی سے ڈرتے ہیں
اغیار لکیریں کھینچ گئے ہم لوگ فقیری کرتے ہیں
محنت سے کمائی کی نہ کبھی خیرات سے جھولی بھرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ دور غلامی بیت گیا ملت کی خودی کو پیس گیا
ہم جیت کے بازی ہار گئے اور دشمن ہار کر جیت گیا
ایسے میں گو مایوس نہیں بڑھنے کی ہمت کرتے ہیں
پر آپ سے بھید چھپائیں کیا دل بیٹھ نہ جائے ڈرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زنداں جو فرنگی حکمت کا دو صدیوں میں تعمیر ہوا
اب اس پہ سنگيں پہرے ہیں یہ ایک اٹل تقدیر ہوا
ہم اسکے نگہباں ہیں خود ہی ہم آپ ہی پہرے دار اسکے
ہم اسکے پجاری ہیں اب تک وہ جا بھی چکے معمار اسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرنگ نے جانے سے پہلے یاں انڈے بچے دے ہی دئیے
باطل نے وراثت بھی چھوڑی اور ساتھ ہی وارث چھوڑ دئیے
باہر کے فرنگی بھاگ چکے اب گھر کے فرنگی باقی ہیں
قرآن کے تھے جو لوگ امیں وہ کفر کی مے کے ساقی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جس دین پہ اپنا ایماں ہے اس دین کی یہ تذلیل کریں
قرآں کے حقائق کو ظالم تاویلوں سے تبدیل کریں
کیا ہم یہ سہہ بھی سکتے ہیں؟ کیا ہم چپ رہ بھی سکتے ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب ملت احمد مرےل کو ان باطل کے معماروں کی
تعمیلوں سے ٹکرانا ہے طوفانوں سے لڑ جانا ہے
اے ملت احمد مرسل تم اک قوت تھے کیا بھول گئے؟
تم طاقت تھے تم جرات تھے، تم اک پرجوش شجاعت تھے
تم عظمت، شوکت، رفعت تھے، تم رحمت، راحت، شفقت تھے
تم اک بارعب شجاعت تھے، تم عظمت انسانیت تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب اتنی بات بتاؤ تم کیا عذر تراشو گے اس دن
جب حشر میں پوچھا جائے گا کیا اپنے قوی سے کام لیا؟
جب کفر سے دیں کی ٹکر تھی تو تم نے کسکا ساتھ دیا؟
تھا پاس خزانہ قوت کا وہ کس مقصد پہ صرف کیا؟
اس وقت کہو گے کیا بولو؟ آنکھیں تو اٹھاؤ لب کھولو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے جان اگر تم ساتھ نہ دو تو تنہا ہم سے کیا ہو گا
اے جان اگر تم ساتھ نہ دو تو تنہا ہم سے کیا ہو گا

Sunday, August 3, 2014

شھید تم سے یہ کہہ رہے ہیں لہو ہمارا بھلا نہ دینا

0 تبصرہ جات
شھید تم سے یہ کہہ رہے ہیں

لہو ہمارا بھلا نہ دینا
قسم ہے تم کو اے سرفروشو !
عدو ہمارا بھلا نہ دینا !

وہ اجڑا گلشن ویران گلیاں

وہ جلتے باغ اور اداس کلیاں
ہماری ماؤں کے بہتے آنسو
قسم ہے تم کو بھلا نہ دینا !

جنہوں نے گلشن کے پھول مسلے

حسین چمن کی ہیں کلیاں روندی
وہ ہاتھ پاؤں ہی کاٹ ڈالو
یہ فرض اپنا بھلا نہ دینا

شھید تم سے یہ کہہ رہے ہیں

لہو ہمارا بھلا نہ دینا


وضو ہم اپنے لہو سے کرکے

خدا کے ہاں سرخرو ہیں ٹھہرے
ہم عہد اپنا نبھا چلے ہیں
تم عہد اپنا بھلا نہ دینا

شھید تم سے یہ کہہ رہے ہیں

لہو ہمارا بھلا نہ دینا
قسم ہے تم کو اے سرفروشو !
عدو ہمارا بھلا نہ دینا

لبیک یا اللہ ! لبیک یا ربی !

اللھم انصرالمجاہدین فی کل مکان آمین یا رب العالمین